Dichirikin dia Shikol ya Mudimu wa Uteokras
Yipul yilondwila ey akez kuyakul ku Shikol ya Mudimu wa Uteokras pa rubing ra Mwinkind 30, 2006. Kalam wa shikol ukez kutakel mu minit 30, dichirikin diengamidina pa malejan masambisha pa rubing ra Mwinses 4 djat pa rubing ra Mwinkind 30, 2006. [Chijikish: Ndond jakad mareferans kwisudiel kwa chipul, ukutwish kukimbijol amwiney chakwel kutan chakul.—Tal École du Ministère, p. 36-37.]
UKALIWENY WA KULOND
1. Mulong wak kulond pakad wom kudi kwa usey pitukata kulond, ni mutapu ik tukutwisha kukepish wom tukweta? [be-F p. 135 par. 5–p. 137 par. 2, mishet]
2. Mulong wak tufanyidina kusal usu wa kusadil Bibil mulong wa kwakul patwipwilau piur pa yitiyij yetu? [be-F p. 143 par. 1-3]
3. Mutapu ik tukutwisha kwikal ayifuvu nakash mu kusadil kwa Bibil? [be-F p. 144, mushet]
4. Mulong wak chidi cha usey kusadil Bibil chisu chawonsu pitulejena mu mudimu wa chingand, ni mutapu ik tukutwisha kukasikeshin kusadil kwa Bibil ku yikumangan ya chikumangen? [be-F p. 145-146, mishet]
5. Ntong ik jaad tukweta pitukata kwandjik mufund wa Bibil mu minsamb? [be-F p. 147 par. 2]
MINSAMB NO. 1
6. Uruu ik wa usey ni wa ukwash udia mu Kuseng? [si-F p. 104 par. 23]
7. Chisu ik charijekau ni kufund Jinswir? [si-F p. 107 par. 5]
8. Ruswir chom ik, ni mulong wak dizu dia Uhebreu disadidilau mulong wa dijin dia buku winou difanyidin kamu nakash? [si-F p. 107 par. 6]
9. Mu Jinswir 2:1-5, yom ik yirumburikina kukasikesh kwa kudandamen kukimb ronganyin, kwijik, ni kujingunin “mud utad wa usey ukash, ni mudi chipau chijingamina”? [be-F p. 38 par. 4]
10. Mutapu ik umekeshina buku wa Jinswir anch ukwet rutong ra ukwash? [si-F p. 109 par. 19]
KUTANG BIBIL KWA RUBING
11. Mutapu ik ‘wanenetishay David mupim wend zong, mudi mwan unenetina ku diyel dia makwend,’ ni mutapu ik tukutwisha kumwimburij? (Kus. 131:1-3)
12. Ov, rongoj ik tukutwisha kutan mu dizu diafundau nich spiritu wa Nzamb dia Kuseng 139:7-12?
13. Ov, yilakej ik yimwing ya kujimb kwa Yehova yijimbwilau mu Kuseng 145 yitubachikina kumushiman mu malembil ni mu mudimu wa kulejan? (Kus. 145:3)
14. Ov, mutapu ik wom wa Yehova udi “disambishil dia ronganyin” ni “disambishil dia manangu”? (Jinsw. 1:7; 9:10)
15. Mu Jinswir 7:1, 2, chirumburikin ik palondinau anch: “mazu mam” ni “yijil yam”?