Yijikish

◼ Mukand wa kupan mu Rish: Sadilany buku Chifundishinay Bibil ni salany usu ni mushiku chakwel kusambish malejan ma Bibil. Ndol ni Ndol-Mem: Panany muntu ni muntu makopi ma Chinong cha Kalam ni Réveillez-vous ! Piusadilany kuchirikinamu kusu kudi antu amekeshina kusanger, pamwing ni antu akumangena ku Chivurikish ni ku yinship yikwau ya uteokras pakwez akad kwinung nakash kamu pamwing ni chikumangen, salany usu chakwel kupan buku Chifundishinay Bibil, nich rutong ra kusambish dilejan dia Bibil. Kalol: Panany buku Créateur ap Bonheur familial

◼ Yikumangen yifanyidin kwanganang manimero masu ma Chinong cha Kalam ni Réveillez-vous ! kapamp kamwing kamu anch amatambul. Chinech chikuyikwash in kulejan kwijik nawamp yidiamu kurutu kwa kupan magazet mu mudimu wa chingand.

◼ Kalam ntakel ap muntu mukwau ukutonday ufanyidin kushinshikin chipau cha chikumangen cha ngond wa Kachirikin, Chiwong, ni Kasan. Anch wapwishany kusal mwamu, ijikishany chikumangen kupwa kwa kutang rapor mukwau wa chipau.—Talany Instructions sur la comptabilité des congrégations (S-27).

◼ Twasadin kal yitenchik chakwel rapor wa chivurikish atwisha kumutum ku biro wa mutiy kusutil uruu ufundinau mu wiswimp ku telefon ap (SMS). Yiney yifanyidinap kuswinkan S-7, pakwez yifanyidin kumekesh anch akez chakin kamu katambul uvud wa antu wa chikumangen ni chikumangen. Kalam Ntakel ufanyidin kutang kand mukand wa Kachirikin 15, 2006 pa milong yiney.

◼ Réveillez-vous ! wa Ndol-Mem ukez kulejan mutu wa mulong “Rishany mu Mangand Makad Kutentam.” Mulong wa usey wa mutu wa mulong winou, chikumangen ni chikumangen chikez kutambul makopi ma kuwejin 10 pa chitot ma nimero winou.

◼ Kalam ntakel ufanyidin kwikal nich kashinsh anch mikand ya kwi ngond yikata kwijikish milambu yikatau kusal mulong wa mudimu wa mangand mawonsu ap mayingish makwau akat kuyitangin chikumangen chisu cha chikumangan cha Mudimu. Mikand yiney yikat kuyijikish akadivar ni anambaz mutapu wasadidilau milambu yiney ni chidi chimekesh cha kusanger yipan yiney ni yikwau yiwanyidina.—Tang Luka 21:1-4.