Yijikish
◼ Mukand wa kupan pa Kafunfut ni Kafumpul: Broshir mwawonsu wa mapaj 32 ujimbwilau mu Mudimu Wetu wa Want wa Ndol-Mem 2007. Mwinses: Chom ik Chakin Kamu Chifundishinay Bibil? Salany usu wa kusambish malejan ma Bibil pa minsamb ya kusambish. Anch in chikumbu akwet kal buku winou, yilejany mutapu ukutwishau kuman ukwash wend ni kuyilej mu wiswimp mutapu wa kusal dilejan dia Bibil. Mwinkind: Chinong cha Kalam ni Réveillez-vous ! Anch muntu wamekesh kusanger, mulejany ni kwisambin nend trakt Aimeriez-vous en savoir plus sur la Bible ? nich chitongijok cha kusambish dilejan dia Bibil.
◼ Pa Kachirikin 9, 2007, kukezap kwikal mutapu wa kwendil ku yikumbu ya Bethel pa dichuku dinidia mulong kukwikal kurijek kwa yikumbu.
◼ Ngond wa Mwinses ukwet mbing jitan jiwanyidina, ukwikal ngond muwamp nakash wa kusal mudimu wa uchibol nkwash.
◼ Kusambish pa Mwinses, atulam in kwendangan akez kusal diskur dia patok dikweta mutu wa mulong “Yom ik Yimekeshina Anch Bibil Udi wa Kashinsh?”
◼ Chitin anch mafomu ma mudimu wa uchibol wa rawonsu amatuma ku biro wa mutiy machuku 60 kurutu kwa dichuku dia ngond dia kusambish mudimu. Kalam wa ujindj wa chikumangen ufanyidin kushinshikin mafomu mulong wa kwijik anch amizwishin nawamp. Anch antu asotila kusal mudimu wa uchibol kavurikinap dichuku dia ngond diayibatishau, afanyidin kutongin dichuku dia piswimp ni kudifund. Kalam wa ujindj ufanyidin kufund dichuku dined pa Fish wa Mwin Kulejan wa Chikumangen (S-21).
◼ Kuchind kwa pa muvu kwa mabuku mawonsu ni magazet mawonsu madia mwi nkil kufanyidin kusadik pa Kafumpul 31, 2007, mudi chitwishikina. Kuchind kwinoku kudi kwa chilik chimwing ni kuchind kukatay kusal ntakel wa mikand ngond ni ngond, ni uvud wawonsu chifanyidin kuufund pa fomu Inventaire des publications (S-18). Uvud wa magazet madiaku afanyidin kuulet kudi akadivar atadila magazet. Kalam wa ujindj wa chikumangen chitadina mikand ufanyidin kwimanyin kuchind kwa mikand. Ndiy ni kalam ntakel wa chikumangen chitadila mikand akez kusiny fomu. Chikumangen ni chikumangen chitakedila mikand chikez kutambul mafomu masatu Inventaire des publications. Tumany amboku dipaper dia kusambish ku biro wa mutiy kurutu kwa Mwinses 6. Lamany kopi umwing mu madosiye men. Kopi wa kasatu ukutwish kumusadilany mudi dipaper dia kusadil.
◼ ‘Mulondulany Kristu’ yitenchik ya Chitentam cha Distrik cha Atuman a Yehova cha 2007: Butembo: Kafunfut 27-29, 2007 (F); Kiwanja: Kafunfut 28-29, 2007 (Machuku 2) (SW); Tshikapa: Kafumpul 10-12, 2007 (F).
◼ Chinong cha Kalam cha Mwinses 1, 2007 chikwisambin mutu wa mulong “Testament Mukur” Ukwet Usey Ik? Mulong wa usey wa rusangu riner ridiamu, chikumangen ni chikumangen chikutambul uvud wa kuwejinaku 10 % wa nimero winou.
◼ Réveillez-vous ! wa Mwinses 2007, ukwisambin mutu wa mulong Ov, Nzamb Ndiy Uletina yinship ya mar ya chitangil? Mulong wa usey wa rusangu riner ridiamu, chikumangen ni chikumangen chikutambul uvud wa kuwejinaku 10 % wa nimero winou.