Yijikish

◼ Mukand wa kupan pa Chiwong: Ukutwishany kupan buku mwin mwawonsu wa mapaj 192 wapalangeshau kurutu kwa 1991. Anch chikumangen chiburedin mwi nkil mabuku makur ma mutapu winou, ukutwish kusadilany buku Ronganyin ap broshir Chishany ku Mes! Kasan: Buku Y a-t-il un Créateur qui se soucie de vous ? ap Le secret du bonheur familial. Rish: Buku Chom ik Chifundishinay Chakin Kamu Bibil? Salany usu wa pakampwil wa kusambish malejan ma Bibil. Ndol: Magazet Chinong cha Kalam ni Réveillez-vous ! Akusal usu wa pakampwil mulong wa kuyendil antu asu asangaredina akumangana ku Chivurikish ni ku diskur dia pakampwil pakwez kakatap kukumanganang pamwing ni chikumangen. Rutong ra kuyendil kwinoku ridi ra kusambish malejan ma Bibil ku chikumbu pamwing ni antu adia kand kal itiyija.

◼ Mulong Rish ukwet machuku ma mpos matan mawanyidina, ukwikal ngond muwamp nakash wa kusal mudimu wa uchibol nkwash.

◼ Kusambish pa Kasan, ap piswimp ni Rish 2, diskur disu dia patok dia atulam a minyimuku dikwikal nich mutu wa mulong “Kwisu Ukutwisha Kutambul Ukwash mu Yisu ya Mar?”

◼ Yikumangen yifanyidin kwirijek nawamp mulong wa kusal Chivurikish muvu unou Diampos, Rish 22, kupwa kwa muten kwandam. Ap anch diskur dikutwish diasambish kurutu kwa muten, kafanyidinap kusutish yijingidij kurutu kwa muten kwandam. Shinshikinany ku misul ya jinsangu ya pol pen chakwel kwijik chisu chikwandama muten pol pen. Chikumangen ni chikumangen chifanyidin kwikasikesh kwisadil musambu wach wa Chivurikish. Pakwez, chikatap kutwishik chisu chawonsu. Ndond jidia yikumangen yivud yikata kusadil Chot cha Want chimwing, chitwishikin chikumangen chimwing ap yivud yikimba ndond yikwau ya kusadil urel winiwa. Anch chitwishikin, tukez kusutishaku piswimp minit 40 kurutu kwa kusambish maprogram chakwel awonsu isakinaku sens ku urund kupwa kwa Chivurikish. Chiwapidil kand kutongin milong ya mutapu wa kwend (transport) ndond ya kwimikin motak ni jinking ni mulong wa kuyitul antu ni kuyisend. Chisak cha amakurump chikukwat mipak chakwel kutal yitenchik yifanyidina nakash pol pau.

◼ Atulam a ujindj a yikumangen afanyidin kushinshik anch akwet Mukand wa Kutond Chibol (S-202) mulong wa chibol ni chibol wa rawonsu mu chikumangen. Anch kaukwetap, afanyidin kufundin biro wa mutiy chakwel kumwijikish.