Yijikish

◼ Rish: Chom ik Chakin Kamu Chifundishinay Bibil? Salany usu ukash chakwel usambishany malejan ma Bibil. Ndol ni Ndol-Mem: Magazet Chinong cha Kalam ni Réveillez-vous ! Akusal usu wa pakampwil mulong wa kuyendil antu asu amekeshina kusanger akumangana ku Chivurikish ni ku diskur dia pakampwil pakwez kand kal inunga nakash kamu pamwing ni chikumangen. Rutong ra kuyendil kwinoku rifanyidin kwikal ra kusambish malejan ma Bibil ku chikumbu pamwing ni antu itiyijina. Kalol: Chom ik Chakin Kamu Chifundishinay Bibil? Salany usu ukash chakwel usambishany malejan ma Bibil.

◼ Yikumangen yifanyidin kwanganang manimero masu ma Chinong cha Kalam ni Réveillez-vous ! kapamp kamwing kamu anch amatambul. Chinech chikuyikwash in kulejan kwijik nawamp yidiamu kurutu kwa kupan magazet mu mudimu wa chingand.

◼ Kalam ntakel ap muntu mukwau ukutonday ufanyidin kushinshikin chipau cha chikumangen cha ngond wa Kachirikin, Chiwong, ni Kasan. Kichifanyidinap kumusadil kand muntu ndiy umwing tupamp tulondulijadina. Anch wapwishany kusal mwamu, ijikishany chikumangen kupwa kwa kutang rapor mukwau wa chipau.—Talany Instructions sur la comptabilité des congrégations (S-27).

◼ Mutu wa mulong wa chitentam cha distrik cha mu 2008, udi “Atakedilau Kudi Mwiku Utumbila wa Nzamb.” Mudimu Wetu wa Want wa Ndol ukutwijikish jinsangu jikemp-jikemp jikutukwasha chakwel tutenchika nawamp mulong wa kukumangan ku yikunku yawonsu ya machuku mawonsu masatu ma chitentam chinech. Anch uswiridin kwit konje ku mudimu wey chakwel wikalaku machuku mawonsu masatu, kangal widjidjek kwit.