Yijikish

◼ Mukand wa kupan pa Chiwong: Chom ik Chakin Kamu Chifundishinay Bibil? Anch in chikumbu amukwet buku winou, in kulejan akutwish apan buku win mwawonsu wa mapaj 192 wapalangeshau kurutu kwa 1992. Kasan: Le secret du bonheur familial. Rish: Chom ik Chakin Kamu Chifundishinay Bibil? Salany usu ukash chakwel usambishany malejan ma Bibil.

◼ Kusambishin pa rubing ra kusambish ra Rish, diskur disu dikusalau atulam a minyingumuku dikwikal ni mutu wa mulong ulondila anch: “Ipukany Yishimu Yamwamu ya Mangand, Londulany Ukinakin wa Want.”

◼ Yikumangen yifanyidin kutenchik nawamp mulong wa kukumangan ku Chivurikish cha muvu unou Diakanying, pa Ndol 9, kwinyim kwa muten kuzwek. Chikumangen ni chikumangen chifanyidin kusal usu chakwel chisala pa achinach Chivurikish. Kudinga uvud kanang wa yikumangen yisadidila Chot cha Want chimwing, pamwingap chikumangen chimwing ap yivud yikutwish kukimb ndond yikwau ya kusadil pa urel winou. Ku chitwishikina, tukuyudilany kusutish minit 40 chakwel program wa chikumangen chikwau asambisha chakwel antu awonsu atanyinamu mu urund kupwa kwa Chivurikish.