Yijikish

◼ Mukand wa kupan pa Ndol-Mem: Gazet Chinong cha Kalam ni Réveillez-vous ! Chisu ukuyichirikinanya antu asangaredina kwez ku kukumangan ku Chivurikish ap ku chinship chikwau cha uteokras, pakwez anch kand kal inunga pamwing ni chikumangen, salany usu wa kuyinkish buku musu Chom ik Chakin Kamu Chifundishinay Bibil? Rutong ridi ra kusambish dilejan dia Bibil nich buku winou. Kalol: Chom ik Chakin Kamu Chifundishinay Bibil? Anch in chikumbu amukwet kal buku winou, in kulejan afanyidin kupan buku win mwawonsu ukweta mapaj 192 ap buku mukwau wabudishau kurutu kwa muvu wa 1992.

◼ Anch witenchik chakwel ukumangana ku yikumangan ya chikumangen, ku yitentam mwi ngand yikwau, ufanyidin kwit yijikish piur pa machuku ma ngond, yisu, ni jindond ku biro wa mutiy utadila mudimu mwi ngand yiniya. Maadres ma mabiro ma mitiy madi pa paj wa nsudiel wa Annuaire wa katat.

◼ Program wa yikumangan ya pa rubing rikusambela rubing ra Chitentam cha Distrik chilondila anch: “Chishany ku Mes!” Chifanyidin kumutenchik mulong wa kuchirikin yivurish ni yiyul kanang piur pa kukumangan ku chitentam. Ngond umwing ap aad kupwa kwa chitentam chen, ukutwish wasadilany chikunku cha maswir ma chikumangen mulong wa kuchirikin milong yijim ya chitentam yamenau in kulejan anch yikuyikwash mu mudimu wa kulejan.