Yijikish

◼ Mikand ya kupan pa Rish: Chom ik Chakin Kamu Chifundishinay Bibil? Salany usu ukash chakwel usambishany malejan ma Bibil. Ndol ni Ndol-Mem: Magazet Chinong cha Kalam ni Réveuillez-vous! Pa chisu ukuyichirikinanya kuyiman antu asangaredina magazet minam, pamwing ni antu eza ku Chivurikish ap ku yinship yikwau ya uteokras pakwez akad kukumanganang netu mu chikumangen, salany usu wa kusambish malejan ma Bibil mu kusadilang buku Chifundishinay Bibil. Kalol: Chom ik Chakin Kamu Chifundishinay Bibil? Anch in ku chikumbu amukwet buku winou, in kulejan akutwish apan buku mwin mwawonsu wachapau kal ukweta mapaj 192 ap buku mwin mwawonsu wabudishau kurutu kwa muvu 1995.

◼ Pa chisu upanina uman kudi muntu kanang ulondininga rudim ra Chinois, muleja mapaj mu kabuku Une bonne nouvelle pour des gens de toutes nations pa ndond yifundidnau mu rudim ra Chinois (Traditionnel) (CH) ni Chinois (Simplifié) (CHS), chakwel ajingunin rudim ik rusotinay kutang. Mudi mudinga chaku, antu adiokilinga kwingand ya Hong Kong ap ku Taiwan aswiridining kutang mikand mu rudim ra Chinois (Traditionnel) (CH), pakwez adiokidilinga ku Chine asotining kusadil chisu chawonsu mikand yifundinau mu rudim ra Chinois (Simplifié) (CHS).

Kusutil ku kutal video ap kutesh maband mabudishau kal, shinshikinany ni usey rudim rilondininga mwin chikumbu ni riteshiningay nawamp. Mudi yijikena, antu adiokilinga ku Chine ni ku Taiwan ateshining rudim ra Chinois (Mandarin) (CHM), pakwez adiokilinga ku Hong Kong ateshining rudim ra Chinos (Cantonese) (CHC).