Yakumenaku ya Sampul (Anch Kwikil mu Uruund, Sadilany Amboku Magazet ma Français)

Mutapu wa Kusambish Malejan ma Bibil pa Diampos dia Kusambish dia pa Kafumpul

“Nlel unou yisu yivud antu amumening Yesu mudi mwadingay kwasutin kal mivu tunan twaad, akwau kand amumening mudi mwan kabas ulela mu chidil cha annam ap mudi muntu udia pa mutond wa mar. Ov, ey utongin anch Yesu usadin ik katat? [Mulika akula.] Tal chilondina gazet pa mulong winou.” Mwinkisha mwin chikumbu gazet umwing wa Chinong cha Kalam cha pa Kafumpul 1, ni shinshikinany pamwing yom yidia mu kamutu ka mulong ka kusambish kadia pa paj wa 16 ni shinshikinany umwing wa ku mifund yijimbwilau. Mwinkisha magazet, ni irijeka kumuchirikin wisambany nend chipul chikwau.

Chinong cha Kalam Kafumpul 1

“Antu avud itiyijining yilay. Akwau akat kutadik. Ov, ey utongin anch chakin kamu yilay yisadikining? [Mulika akula.] Kushilamu kwinoku kwa yilay ya machuku ma kurutu kuyinkishining antu avud ruchingej. [Tang umwing wa ku mifund yidia pa paj wa 9-10.] Gazet winou wakwil ku yikangesh yisatu yilangwishiningau antu piur pa yilay.”

Réveillez-vous ! Kafumpul

“Nlel unou, antu avud oviling wom wa kuya ayinau, pakampwil anch kwajal kal. Ov, ey utongin anch chom kanang chikutwish kusadik chakwel mangand minam mikala makad chisum? [Mulika akula.] Gazet winou ushinshikidin yom yimwing tukutwisha kusal etu awonsu chakwel twikala mu chisambu nakash umwing ni mukwau. Wisambidin kand mutapu uprofet winou ukasikeshina ukez kuwanyin.” Tang Kuseng 72:7.