Yijikish

◼ Mikand ya kupan pa Rish ni pa Ndol: Magazet Chinong cha Kalam ni Réveillez-vous ! Pa chisu ukuyichirikinanya antu asangaredina, yilejany mutapu wa kusadil buku Chifundishinay Bibil, ap, anch chitwishikin nich maswir ma muntu, pan umwing wa mabroshir am Mutesha Nzamb ap Mutesha Nzamb ni Ikal ni Mwom Chikupu, ni sal usu wa kusambish dilejan dia Bibil.

◼ Mabroshir masu maad am Ov, Anany Asadina Rusot ra Yehova Nlel Unou? ni Rusangu Ruwamp Ridiokila Kudi Nzamb! afanyidin kumit yisu yawonsu kusutil ku yikumangen, kwambatan nich maswir mulong wa kwipuk kwikal mu maswir. Akutwish kwizwish fomu S-14 ni kumutum pa ngond ni ngond.

◼ Chidi cha musangar nakash pa ku kwijikishany kubudik kwa Chinong cha Kalam cha pa ngond ni ngond mu rudim ra Kisonge kusambish pa Ndol 2013 ni Mudimu Wetu wa Want ukusambish pa Kalol 2013.

◼ Chivurikish chikez kusadik Diakaad, Rish 26, 2013. Anch chikumangen chen chikwet chisu chawonsu yikumangan dichuku Diakaad, chifanyidin kudiswimp nich dichuku dikwau dia rubing anch kudiap chikumangen chisadidila Chot cha Want. Anch afanyidin kuswimp Chikumangan cha Mudimu, ntakel wa chisak cha amakurump ukutwish kutenchik program chakwel yikunku yitadila pakampwil chikumangen chen yisadika mu Chikumangan cha Mudimu chikwau. Yikumangen yikeza kwikal ni rubing ra pakampwil nend kalam wa munyingumuku yifanyidin kuswimp program wau wa yikumangan yikukumangeninga urel wa dichuku Diakaad nich dichuku dikwau mu rubing riner.