Dichirikin dia Shikol ya Mudimu wa Uteokras
Yipul yilondwilaku ey akez kuyishinshikin ku Shikol ya Mudimu wa Uteokras pa rubing ra Kafumpul 25, 2014.
Ov, mutapu ik ukutwisha kutukwash In Levi 18:3 chakwel twipuka kukudish chitongijok chiyimp cha kuwap ni kuyip? (Efes. 4:17-19) [Kafunfut 7, w02-F 1/2 p. 29 par. 4]
Ov, chijil ik chitufundishinau mu In Levi 19:2, ni mulong wak tufanyidina kusal usu wa kuchiziyil? [Kafunfut 7, w09-F 1/7 p. 9 par. 5]
Ov, chany chidia kwinyim kwa chijil cha pasak cha kupupurol ya kwangul chitufundishin ik nlel unou? (Lev. 19:9, 10) [Kafunfut 7, w06 1/7 p. 14 par. 13]
Ov, chitwishikin kulond anch chijil chilondina anch “dis ku dis” chakasikeshap chitongijok cha kuchirish uyimp ku uyimp? (Lev. 24:19, 20) [Kafunfut 14, w09-F 1/9 p. 22 par. 3-4]
Ov, mu mashakamin ik mamwing chadinga chiyimp kudi mwin Isarel kwit nfalang jikwau pa dibaz, pakwez, chisu ik chifanyidina kwit nfalang jikwau pa dibaz? (Lev. 25:35-37) [Kafunfut 21, w04-F 15/5 p. 24 par. 3]
Ov, mulong wak yisu yivud isambinanga ching kusu michid 12 ya in Isarel pakwez kwadinga chakin kamu michid 13? (Kuch. 1:49, 50) [Kafunfut 28, w08-F 1/7 p. 21]
Ov, dilejan ik ditadina pa mutapu wa kuyilimish amapal tukutwisha kutan mu rusangu ridia mu Kuchind Michid 8:25, 26 piur pa kudiokal ku mudimu pakad kusal kakwau kwa In Levi? [Kafumpul 11, w04-F 1/8 p. 25 par. 1]
Kupwa kwa kuyibudish mu chilay mu Idjibit, ov, mulong wak in Isarel akudisha spiritu wa kwinan, ni dilejan ik tukutwisha kwilej kusutil ku rusangu riner? (Kuch. 11:4-6) [Kafumpul 18, w95-F 1/3 p. 15-16 par. 10]
Ov, yom ik tukutwisha kwilej ku mutapu wakulay Moses chisu Elidad ni Medad asambisha kubwak? (Kuch. 11:27-29) [Kafumpul 18, w04-F 1/8 p. 26 par. 4]
Ov, chany ik cha usey tukutwisha kwilej ku chijil chayinkishau in Isarel cha kuchimin “jinsamp kujimbul ja ku yidjal yau”? (Kuch. 15:37-39) [Kafumpul 25, w04-F 1/8 p. 26 par. 7]