Rapor wa Mudimu wa Chingand

Pa Chiwong 17, 2015, anzuril shikol yisu ku Kinshasa. Kusambishin pinap, tulas twa Shikol ya Atulam a Munyingumuku ni Akajau ni Shikol ya in Kulejan a Want yikusambish kusadikin mwinimwa. Angej 1 264 atesha diskur diazurilau nich shikol kudi mukadivar Gerrit Lösch wa mu Chisak Chitakedila. Dichuku dikwau, Mukadivar Lösch watakela program wa kupan ma diplom kudi in kwilej a tulas twaad twakusambish twa Shikol ya in Kulejan a Want yasadikina mu teritwar wetu. Kupwa kwa midi, kwading chikumangan cha pa kampwil ku Chot cha Chitentam cha mu Limete, Kinshasa. Diskur diading ni mutu wa mulong ulondina anch “Uumwing wa pa Mangand Mawonsu – Udiaku Katat” ni apana rapor piur pa rusangu ra midimu wa mu ma Congo maad . . . Kupwa, apana rusangu ra chikumangan chinech mu teritwar wetu (mu video, ap ya kutesh kusu). Akadivar ni anambaz uvud wa 115 177 ataninamu mu diskur dined.