‘Marchons par la foi, non par la vue’
Chisu chikemp kurutu kwa kuwa ni kusheshik kwa musumb wa Yerusalem, kambuy Paul wayifundina in Kristu anch, afanyidin kwijik anch akuman mar ni kafanyidinap kutek maswir mau ni yom yau ya kumujimbu kurutu mudi amasalay akin a Kristu. (2 Tim. 2:3, 4) Piturishina mu mangand minam mayimp, tuswiridin ritiy rikash chakwel tushinshikina mu yom ya muspiritu. (2 Kor. 4:18; 5:7) Piwatala video ulondina anch ‘Marchons par la foi, non par la vue.’ (Yang pa kapend ka jw.org, ni tal pafundinau anch PUBLICATION > VIDEO.) Tal mutapu ubaj wa kushinshikin nakash pa yom ya kumujimbu wamushikisha Naham nenday Abital mu mupit wayijipesha. Kupwa, chirikin ku yipul yilondwilaku ey.
(1) Chom ik ‘chitakanena . . . chimana mwi ndond yitumbila’ mu mivu chitot ya kusambish, ni mupak ik ukash wafanyinau kukwat in Kristu adinga mu Yerusalem? (Mat. 24:15, 16) (2) Mulong wak chita ritiy mulong wa kuchin mu musumb? (3) Mutapu ik wafanyinau kwipan mulong wa kuchin? (4) Mulong wak Naham nenday Abital alaba kuchin? (Mat. 24:17, 18) (5) Ritiy ik ramekeshay Rachel pachinay mu Yerusalem? (Mat. 10:34-37; Mar. 10:29, 30) (6) Mutapu ik wapanay Etan chilakej chiwamp cha ritiy ni ruchingej mudiay Yehova? (7) Mar ik mamanau in Kristu mu ul wa Pella? (8) Mutapu ik ritiy ra Naham nenday Abital rasambisha kuziy pakemp-pakemp? (9) Mutapu ik wayilamay Yehova in Kristu adinga mu ul wa Pella? (Mat. 6:33; 1 Tim. 6:6-8) (10) Mutapu ik tukutwisha kumwimburij Abraham nenday Sara piturishina kwinsudien kwa ditenchik dined dia yom? (Heb. 11:8-10) (11) Mutapu ik wakwatau Naham nenday Abital mupak wa kuchirik ku Yerusalem, ni mulong wak chitongijok chau chading chiyimp? (Luka 21:21) (12) Mutapu ik wadinga chakin kamu mwom mu Yerusalem pachirikau Naham nenday Abital? (13) Mulong wak tufanyidin kukasikesh ritiy retu nlel unou—kurutu kwa kushik kwa disudien dia ditenchik dined dia yom?—Luka 17:31, 32; 21:34-36.
Kwendin mu ritiy kurumburikin (1) kuchingejin wintakel wa Yehova, (2) kusal anch wintakel wend uyikela jinzau jetu, ni (3) kumekesh anch tukwatin nich usey yom ya muspiritu pa ndond pa yom ya kumujimbu. Itekinany amboku mupak wa kwendil mu ritiy, ni kuchingejin anch “mangand mayil ni kujiy pamwing ni yom yawonsu yikwetau nich antu ris, pakwez muntu mwawonsu ukata kusal rusot ra Nzamb ukez kapand chikupu.”—1 Yoh. 2:17.