Ipuk Mipit Yiney Chisu Utakedina Dilejan dia Bibil

Kulond Nakash: Kangal watong anch ufanyidin kurumburil yom yawonsu. Yesu wasadina yipul mulong wa kuyikwash antu kutong ni ashikena ku kujingunin uyakin. (Mt 17:24-27) Yipul yikat kusal anch dilejan diwapa ni yikat kukwash chakwel wijika yom yijay ni yitiyijinay muntu. (be-F p. 253 par. 3-4) Anch wipul chipul, shimpish muchim ni chingel chakul. Anch mwin kwilej walet chakul chakad kuwanyin, pa ndond pa kumulej chakul chiwanyidina, sadin yipul yikwau mulong wa kumushikij ku kujingunin uyakin. (be-F p. 238 par. 1-2) Ambamb nend mwin kwilej mu mutapu wa kumukwash chakwel ijika yom yisu.—be-F p. 230 par. 4.

Lik Kurumbangesh Yom: Ipuk mupit wa kulond yawonsu wija piur pa yom ufundishina. (Yh 16:12) Kasikeshin pa dilejan dijim dia paragraf. (be-F p. 226 par. 4-5) Kulond yom yivud kukutwish kurumbangesh yom yijim ya dilejan. (be-F p. 235 par. 3) Anch mwin kwilej watesh kal dilejan dijim dia paragraf, chifanyidin kusut mu paragraf mukwau.

Ipuk Kulejan Ching Nsangu: Chitongijok chetu chidi cha kumupukun muntu ku muchim, kulik ching kumulej nsangu. (Lk 24:32) Sadin usu wa Dizu dia Nzamb pa kukasikeshin pa ma verse majim madia mu dilejan. (2Ko 10:4; Heb 4:12; be-F p. 144 par. 1-3) Sadin yilakej yiswapela kutesh. (be-F p. 245 par. 2-4) Ijik mashakamin ni yitiyij ya mwin kwilej, ni mufundisha kukwatijan ni yom yiney. Mwipula yipul mud ey: “Ey utongin nchik piur pa yom wileja kal ey?” “Chitufundishin ik piur pa Yehova?” “Chom ik ukutaninamu anch wasadin yiyul yiney?”—be-F p. 238 par. 3-5; p. 259 par. 1.