Tukudishany Ukaliweny Wetu mu Mudimu wa Kulejan—Mu Kusadin Yipul Nawamp

MULONG WAK CHIDI CHA USEY: Anch “chiyul mu muchim wa muntu chidi mudi mem makurikina,” komb yipul yidi mudi mbekech wa kuvit nich mem mu dibuku. (Jnsw 20:5) Yipul yikat kutukwash kuyishinshikin in kututesh etu. Yakul ku yipul yitondinau nawamp yisu yivud yikat kusal anch muntu aya kurutu. Yesu wasadinang nawamp yipul. Mutapu ik tukutwisha kumwimburij?

MUTAPU WA KUSADIN:

• Ipul yipul mulong wa kwijik yitonginau antu. Yesu wipulang yipul mu mutapu uwamp mulong wa kwijik yitongijok ya in kwilejend. (Mt 16:13-16; be-F p. 238 par. 3-5) Yipul ik ukutwisha kwipul mulong wa kwijik yitonginau antu?

• Ipul yipul yiwamp. Mulong wa kupup chiyul cha Pita, Yesu wipula yipul ni wapana yakul yamushikija Pita ku kutong nawamp. (Mt 17:24-26) Yipul ik yiwamp ukutwisha kwipul mulong wa kumukwash muntu kushiken ku kutong nawamp?

• Mujikitisha mwin kukutesh. Kupwa kwa mulej wa Yijil ‘kwakul kwa manangu,’ Yesu wamujikitisha. (Mr 12:34) Mutapu ik ukutwisha kumujikitish muntu wakwila ku chipul?

TAL CHIKUNKU CHA KUSAMBISH CHA VIDEO ACCOMPLISSONS LA MEME OEUVRE QUE JÉSUS—EN ENSEIGNANT, NI KUPWA AKUL KU YIPUL EY:

• Mulong wak chinech chidi chilakej cha kufundish kuyimp, ap anch yom yilondinay yidi yakin?

• Mulong wak tufanyidin kusal yivud kulik kwau ching kurumburil jinsangu?

TAL CHIKUNKU CHA KAAD CHA VIDEO, NI KUPWA AKUL KU YIPUL EY:

• Mutapu ik usadidinay mukadivar yipul nawamp?

• Mitapu ik yikwau ya kufundish kwend tukutwisha kwimburij?