YOM YA USEY YIDIA MU DIZU DIA NZAMB | KUBUDIK 33-34

Mikadil Yipandikena Kuwap ya Yehova

34:5-7

Kwijik mikadil ya Yehova kwamukwasha Moses kuyishimpishin in Isarel muchim. Chilik chimwing, anch twasal usu wa kwijik nawamp mikadil ya Yehova, tukutwish kuyanaken ambay netu in Kristu.

“Wa ranaken ni mwin riy”: Yehova ukat kuyichidij atushalapol end nich rukat rikurina mudi mukatau anvaj kuyichidij anau
“Wakad kwovang ujim swa”: Yehova ukat kuyishimpishinang atushalapol end muchim anch arumbuk ni ukat kuyishilang chisu chakwel akarumuk
“Wizwila sens nich rukat [rishinshamena]”: Yehova ukwet rukat kishinshamena mulong wa atushalapol end, ni rukat riner ridi ra chikupu

Yipich: Atuman a Yehova imburijining mikadil ya Yehova. 1. Amakurump aad ayang kal kutal dijuku dimwing ni akat kudikasikesh kusutil Bibil. 2. Nambaz umwongojin mukwau udidina.

IYIPULA ANCH: ‘Mutapu ik nikutwisha kwimburij riy ni ranaken ra Yehova?’