Mujikitisha Nzamb ni Kristu Mulong​—wa Kukolik kwa Machuku ma Kurutu

Yikokujol ik urishina nich pichuku pichuku? Ov, ud ntakel wa dijuku usadina usu wa kuwanyish maswir ma dijuku diey? Ov, ud nvaj udia amwinend ni usadina usu wa kuwanyish maswir ma dijuku diend? Ov, ud nsand udia ku shikol urishina nich yibachikin yiyimp yidiokila kud arund? Ov, urishin nich mayej ap upal? Muntu ni muntu pakach petu ukwet milong kanang. Ni in Kristu avud arishin nich milong kushalijan pa chisu chawiy chimwing. Pakwez twij anch piswimp ap tukukolik ku ­yikokujol yawonsu yiney.​—2Ko 4:16-18.

Pakwez pa chisu chinech, tukat kutan rongoj mulong twij anch Yehova wij nawamp milong turishina nich, ukat kusanger kushinshaman ni kujijaman kwetu ni ukutuyukish chipandakena mu machuku ma kurutu. (Jer 29:11, 12) Yesu ni ndiy utubangidin. Mulong chisu tuwanyishina nawamp yisend yetu ya win Kristu, utukanin anch: “Am nikwikal ni yenen.” (Mt 28:20) Anch twatongijok pa kukolik kwa machuku ma kurutu tukutambula kusutil Want wa Nzamb, tukat kukasikesh ruchingej retu ni mupak wetu wa kujijamen yoziu turishina nich katat.—Ro 8:19-21.

TAL VIDEO, PADANDAMEDINA MAMBEK KUSEJ, SHINSHIKIN MES MEY PADIAY YESU!​—YIYUKISH YA WANT YA MACHUKU MA KURUTU, KUPWA AKUL KU YIPUL YILONDWILAKU EY:

• Mutapu ik washikenau antu kwaurik ni Nzamb, ni kwikala yibudikin ik?

• Yiyukish ik ya machuku ma kurutu yichingedinau antu amushinshamedina Yehova?

• Yom ik yisadina anch chituswakel kutambul yiyukish yiney ya machuku ma kurutu?

• Yiyukish ik uchingejina kutambul mwi ngand yisu?