Yikel Maku Mey

Mulong tud antu akad kuwanyin, chitwitin kurish chisu chawonsu mulong wa kuyikel maku metu. Anch twamalik matuyikel, tukutwish kushadish dilau dia Yehova. Chilakej, antu amwing akat kulikidil maku ma kudia, kudjal, ap ma kwikal ni ndond yiwamp ya kushakam mayikangesh kumukat Nzamb. Akwau akat kujip mbil ja Nzamb mulong wa kusangaresh maku mau ma kulalijan. (Ro 1:26, 27) Akwau kand akat kusal yom yiyimp yiyibachikinau kusal kud akwau mulong asotin kuyikat ni kuyitiy kud antu.​—Kub 23:2.

Mutapu ik tukutwisha kuyikel maku metu? Tufanyidin kusal usu nakash wa kushinshikin pa yom ya mu spiritu. (Mt 4:4) Tufanyidin kand kumwit Yehova chakwel atukwasha kuyikel maku metu. Mulong wak? Mulong ndiy wij yom yikutwisha kutukwash ni wij kand mutapu wa kuwanyish maku metu mawamp.​—Kus 145:16.

TAL VIDEO LIK KUSHESH MUJIMBU WEY NICH RUWAND, KUPWA AKUL KU YIPUL YILONDWILAKU EY:

• 

  Mulong wak antu amwing akat kuna ruwand?

• 

  Ruwand ukutwish kukusal mutapu ik?

• 

  Mulong wak chiyipin kuna ruwand ap kumunil ku mupesh?—2Ko 7:1

• 

  Mutapu ik ukutwisha kulik anch muntu wakwinkish ruwand, ni mutapu ik ukutwisha kwimik anch ukat kunang?