Ov, Ukat Kukimbang Yakul ya Malembil Mey?

Mu Bibil mud yilakej yivud nakash ya malembil makulay Yehova. Chakin kamu, pamanau atushalapol a Nzamb mutapu wateshay Yehova yakamish yau ni kuyikwash, ritiy rau rakasikana. Chawiy, tufanyidin kwovikesh nawamp mu malembil metu yom tusotina ni kukimb chakul cha Yehova. Vurik anch chakul chend chikutwish kushalijan ni yom twitang ap kusut pa yom twitang. (2Ko 12:7-9; Ef 3:20) Yom ik yikutwishay Yehova kutwinkish mulong wa kwakul ku malembil metu?

• Usu wa ku mujimbu ap wa mu spiritu, ap kutukwash kulik kuzazat chakwel tupandakana mulong wetu.​—Fl 4:13

• Manangu makutukwasha kukwat mupak uwamp.​—Jk 1:5

• Impu ni usu wa kusal chom kanang.​—Fl 2:13

• Kulik kuzazat chisu tukweta yakamish.​—Fl 4:6, 7

• Antu akwau akutwish kutwinkish yom tukweta nich kuswir ap kutwongoj.​—1Yh 3:17, 18

• Kuyikwash antu twalembilang.​—Mid 12:5, 11

TAL VIDEO YEHOVA UKAT ‘KUTESH MALEMBIL,’ NI KUPWA AKUL KU YIPUL YILONDWILAKU EY:

• Chilakej cha Mukadivar Shimizu chikutwish kutukasikesh mutapu ik anch tutwishinap kusal yom yimwing mulong wa ukash wa mujimbu?

• Mutapu ik tukutwisha kwimburij chilakej cha Mukadivar Shimizu?