RUBING RA 28 NGOND WA 4–4 NGOND WA 5

JINSWIR 11

Muminy 90 ni Malembil | Mazu ma Kusambish Nich (Min. 1)

YOM YA USEY YIDA MU DIZU DA NZAMB

1. Kangal Walondamu!

(Min. 10)

Kangal walond chom chikutwisha kumusal muntu “mukwau” nayimp (Jnsw 11:9; w02 15/5 paj 26 par. 4)

Kangal kulond chom chikutwisha kuyauril antu (Jnsw 11:11; w02 15/5 paj 27 par. 2-3)

Kangal kujingunin milong ya ujindj (Jnsw 11:12, 13; w02 15/5 paj 27 par. 5)

Akadivar aad ambambin ku Chot cha Want. Umwing wa pakach pau ulondin yom yiyimp piur pa mukadivar wezina kudau.

CHA KUTONGIJOKIN: Mutapu ik ukutwisha kutukwash mazu ma Yesu mada mu Luka 6:45 kwiyep kulond mazu mayimp?

2. Mapit ma mu Spiritu

(Min. 10)

Jnsw 11:17—Mulong wak chiwapin kwikal muntu muwamp? (g20.1 p. 11, mushet, pa paj 11)

Chakul chey
Yom ik ya mu spiritu wajinguninang mu kutang kwa Bibil kwa rubing riner ukatina kulejan?

Chakul chey

3. Kutang Bibil

(Min. 4) Jnsw 11:1-20 (th dilejan da 5)

IPANA MU MUDIMU WA KULEJAN

4. Kusambish Mambamb

(Min. 4) KUPAN UMAN WA CHIKASHIMWISH. Kimb mutapu wa kumulej muntu chom kanang wilejina ku yikumangan yasutina ey. (lmd dilejan da 2 dinans da 4)

5. Kudandamen Kuyichirikin Antu

(Min. 4) KUPAN UMAN WA CHIKASHIMWISH. Muleja muntu video uda mu Mushet wa Yom ya Kufundish Nich. (lmd dilejan da 8 dinans da 3)

6. Kwikadish in Kwilej

(Min. 4) KUPAN UMAN PA NDOND YIDA ANTU AVUD. Mwita muntu mulong wa kusambish kwilej nend ni muleja mutapu usadikining dilejan da Bibil. (lmd dilejan da 10 dinans da 3)

MASHAKAMIN MA MWIN KRISTU

Muminy 157

7. Kangal Rudim rey Rikal rin Kuyipish Chisambu

(Min. 15) Minsamb.

Mulong tud antu akad kuwanyin, tukutwish kulond yom yiyimp. (Jk 3:8) Pakwez anch twij ubaj ukutwisha kushiken, mwamu tukwipuk kulond yom yikutwisha kutunenganesh kupwa kwa kuyilond. Ey yawiy yom yimwing yikutwisha kuyipish chisambu mu chikumangen:

Kwibaz kuyimp. Mad mazu makatay kulond muntu mulong wa kwibaz amwinend ni makutwish kuyibachik antu akwau kwov ja kubambil nend ap kumwovil ris.—Jnsw 27:2
Mazu maburedina win kashinsh. Mazu minam mimedinap kwau ching pa kumudimb muntu pakwez mad kand mazu makweta chitongijok cha kumupumbul muntu. Ap tumazu tukemp tuburedina win kashinsh tukutwish kuyipish kalimish ketu ni kusal anch antu akwau alik kutuchingejin.—Mul 10:1
Mboj. Ud mutapu wa kulond yom yakad kwikal yakin piur pa muntu kanang, ni piur pa mashakamin mend ap kujingunin yom yida ya ujindj. (1Tm 5:13) Mboj jikutwish kuletish matend ni kwaurok
Mazu ma ujim. Kud kumwel muntu watujimeshang kal yom yawonsu yida ku muchim pakad kuyishinshikin. (Ef 4:26) Makutwish kumusal muntu nayimp.—Jnsw 29:22

Yipich ya mu video “‘Likanyap’ YomYikata Kushesh Chisambu—Kachikunku.” 1. Emily ni Celia ashich atalijadin padau mwi ndond ya kunil kafe. Celia utadin pa telefon wend yom yitekiningay Haley pa kapend. 2. Padau mwi ndond ya kwimikin mamotak ku Chot cha Want, Haley umulondin Celia kwa ujim.

Tadish VIDEO ‘Likanyap’ Yom Yikata Kushesh Chisambu-Kachikunku. Kupwa yipula in kukumangan anch:

Yom ik wileja kal piur pa mutapu ukutwisha mazu metu kuyipish chisambu cha chikumangen pakad kulab?

Chakul chey

Mulong wa kuman mutapu wachirishau chisambu, Tal video “Kimbany Chisambu ni Kuchilam.”

8. Dilejan da Bibil da Chikumangen

(Min. 30) bt-F shap. 25 par. 14-21