RUBING RA 12-18 NGOND WA 5

JINSWIR 13

Muminy 34 ni Malembil | Mazu ma Kusambish Nich (Min. 1)

YOM YA USEY YIDA MU DIZU DA NZAMB

1. Kangal Witiy “Mwend wa Kasu wa Muntu Muyimp” Ukudimba

(Min. 10)

Antu ayimp kakwetap ruchingej ra machuku ma kurutu (Jnsw 13:9; it-2 paj 196 par. 2-3)

Kangal wibomb nau antu akata kusal yom yiyimp yimenau anch yiwapin (Jnsw 13:20; w12 1/7 paj 17 par. 3)

Yehova ukat kumuyukish muntu utentamina (Jnsw 13:25; w04 15/7 paj 31 par. 6)

Yipich: Kufanakesh kwa kukwat mupak uyimp wa kwibomb nau antu akad kwikal atuman ni mupak uwamp wa kwibomb ni antu awamp ada atuman. 1. Ikundj umwing ujil maj mwi ndond ya kunil maar ukwet chilaud ku chikas. 2. Kupwa kwa chinship wov kal kuyel ni unil mwon. 3. Akadivar nau anambaz asutishin chisu pamwing urel, akat kudaku ni kuna. Akadivar aad adil pamwing ni asanger pawanginau ni kujaku maj. 4. Kupwa kwa chinship ad mu mudimu wa kulejan. — Mwom wa antu akata kulondul maku ma mangand udingap kamu usangareshina mud mutongidiningau. Antu akata kusal rusot ra Nzamb akat kwikal ni musangar wakin mu mwom

2. Mapit ma mu Spiritu

(Min. 10)

Jnsw 13:10—Mulong wak tufanyidin kwit chiyul? (w22.02 paj 13 par. 15-17)

Chakul chey
Yom ik ya mu spiritu wajinguninang mu kutang kwa Bibil kwa rubing riner ukatina kulejan?

Chakul chey

3. Kutang Bibil

(Min. 4) Jnsw 13:1-17 (th dilejan da 10)

IPANA MU MUDIMU WA KULEJAN

4. Kusambish Mambamb

(Min. 3) KU CHIKUMBU NI CHIKUMBU. Kupwa kwa kwisambin rusang ra yom yisu yasadikang, muleja muntu chom kanang mu Bibil chikutwisha kumusangaresh. (lmd dilejan da 2 dinans da 5)

5. Kusambish Mambamb

(Min. 4) KUPAN UMAN WA CHIKASHIMWISH. Mutazuka muntu ku yikumangan. (lmd dilejan da 2 dinans da 3)

6. Diskur

(Min. 5) lmd yom yiwejinaku 1 dinans da 9—Mutu wa mulong: An Ayilimishina Anvajau ni Kuyiziyin Akutwish mu Mwom wau. (th dilejan da 16)

MASHAKAMIN MA MWIN KRISTU

Muminy 77

7. “Kutok kwa in Kutentam Kukat Kumunyik Nich Musangar”

(Min. 8) Minsamb.

Mu Dizu da Nzamb mud ronganyin ni manang ma piur. Anch twasadin mu mwom wetu yom twilejinamu tukutwish kwikal ni musangar wakin. Chom chinech tukutwishap kuchitan mu mangand.

Yipich yidokila mu video “Mangand Makutwishap Kutwinkish yom Yimakad Kwikal Nich.” Nambaz Gainanshina ushich mu chir utadin mwiur.

Tadish VIDEO Mangand Makutwishap Kutwinkish yom Yimakad Kwikal Nich. Kupwa yipula in kukumangan anch:

Chilakej cha Nambaz Gainanshina chimekeshin mutapu ik anch “kutok kwa in kutentam” kud kwa piur nakash kupandakanamu “mwend wa kasu wa muntu muyimp”?—Jnsw 13:9

Chakul chey

Kangal wasutish chisu chey mu yilat ya chamwamu piur pa yom yida mu mangand minam ap kwinan mulong wa mipak wakwata yikukwashina kumwifukwil Yehova. (1Yh 2:15-17) Pakwez, shinshikin “usey upandakena kujimb wa ronganyin” ukweta katat.—Fl 3:8.