RUBING RA 29 NGOND WA 9–5 NGOND WA 10

MULEJ 3-4

Muminy 93 ni Malembil | Mazu ma Kusambish Nich (Min. 1)

YOM YA USEY YIDA MU DIZU DA NZAMB

Ambay a uruw atangin Bibil pamwing nich musangar. — Sutishany chisu ni Yehova pamwing

1. Kasikeshany Mwoj Wen wa Chibab

(Min. 10)

Ishila chisu cha kukasikeshijan ni kwambamb ni mbay ney wa uruw (Mul 3:1; hf chikunku 2 paj 7)

Salany yom pamwing (Mul 4:9; w23.05 paj 23-24 par. 12-14)

Ikal ni kashinsh anch ey ni mbay ney wa uruw ukwetany urund wa piswimp ni Yehova (Mul 4:12; w23.05 paj 21 par. 3)

IYIPULA ANCH: ‘Kusutish chisu chilemp pakad kwikal pamwing ni mbay nam wa uruw, kulik kusend konje pamwing, ni kuya kusadin mudimu kulemp pakad mukajam kukutwish kwikal ni yibudikin ik pa uruw wam?’

2. Mapit ma mu Spiritu

(Min. 10)

Mul 3:7—Mutapu ik tukutwisha kusadin mbil yiney pa chirung cha rupompat? (w19.07 paj 12 par. 14)

Chakul chey
Yom ik ya mu spiritu wajinguninang mu kutang kwa Bibil kwa rubing riner ukatina kulejan?

Chakul chey

3. Kutang Bibil

(Min. 4) Mul 4:1-16 (th dilejan da 2)

IPANA MU MUDIMU WA KULEJAN

4. Kusambish Mambamb

(Min. 3) KU CHIKUMBU NI CHIKUMBU. Sadin Chinong cha Kalam No. 1 2025 mulong wa kusambish mambamb. Swimp mambamb anch wajingunin anch muntu usangaredin mutu wa mulong windj. (lmd dilejan da 2 dinans da 5)

5. Kudandamen Kuyichirikin Antu

(Min. 4) KUPAN UMAN WA CHIKASHIMWISH. Mwita muntu watambula Chinong cha Kalam No. 1 2025 chakwel usambish kwilej nend Bibil. (lmd dilejan da 9 dinans da 4)

6. Diskur

(Min. 5) lmd yom yiwejinaku 1 dinans da 12—Mutu wa mulong: Nzamb Utentamin ni Ud Wakad Kasolikany. (th dilejan da 19)

SHAKAMIN MA MWIN KRISTU

Muminy 131

7. Anch Kwikal Milong Kanang ni Mbay Ney wa Uruw, Chingejinany mu Umutakel wa Yehova

(Min. 15) Minsamb.

Yehova uyinkishin ambay a uruw in Kristu yom yawonsu yikwetau nich kuswir chakwel ikala ni musangar mu uruw wau. Chikalap nchik mwamu, ambay a uruw akudandamen kurish ni yikokujol chisu ni chisu. (1Ko 7:28) Anch kikasikeshinap kupwish milong yiney akutwish kuburen musangar ni kutong anch mashakamin ma mu uruw wau makuwapap kwau. Ov, chikwikal nchik anch urishin ni yikokujol mud yiney mu uruw wey?

Mu video ulondina anch Qu’est-ce que le vrai amour ? alejenamu ambay a uruw ansand arishina ni milong ya ku mujimbu. Ov, uvurikin chiyul chapanay tatuku kud mwanend mband pakimbay kukwat mupak pakad kushinshikin yom yading yikatinay Yehova anch asal?

Tadish VIDEO Qu’est-ce que le vrai amour ? (extrait) Kupwa yipula in kukumangan anch:

Mulong wak tufanyidin kuchingejin umutakel wa Yehova yisu turishina ni yikokujol ya mu uruw?—Is 48:17; Mt 19:6

Chakul chey

Anch urishin ni yikokujol yikash mu uruw wey, kimb ukwash wa Yehova kusutin malembil, kukumangan, kutang ni kwilej Bibil ni kulejan. Sal usu wa kupwish milong kusutin mbil ja Bibil, ni kimbijol jinsang mu mikand yetu jikukukwasha kuman yom mud mutapu uyimenau kud Yehova. Anch wasal mwamu, ukumekesh anch ukatin ukwash wend.—Jnsw 10:22; Is 41:10.

Chipich cha mu video “Kangal Wapumbuk Mulong wa Chisambu cha Makasu!—Darrel ni Deborah Freisinger.” Chipich chimumekeshina Nambaz Freisinger utadin chipich.

Tadish VIDEO Kangal Wapumbuk Mulong wa Chisambu cha Makasu!—Darrel ni Deborah Freisinger. Kupwa yipula in kukumangan anch:

Yom ik wilejina kusutin chilakej cha Mukadivar Freisinger ni mukajend piur pa mutapu wa kurish ni yikokujol yikash mu uruw?

Chakul chey

8. Dilejan da Bibil da Chikumangen

(Min. 30) lfb Dilejan da 22, mazu ma kusambish nich chikunku cha 5, ni dilejan da 23