Ov, Uvurikin?

Ov, watangin nawamp manimero ma Chinong cha Kalam cha muvu winou? Akul lel ku yipul yilondwilaku ey:

Mutapu ik tufanyidina kuyiman antu azizidilau many?

Tukat kuyilimish mulong wa ritiy rau; pakwez tukatap kuyitumbish. Tukat kwipuk “kuyibaz antu.” (Jud 16, TMK) Tukatap kuyipul piur pa ruchingej rau.—w20.01 paj wa 28.

Yom ik yifanyidina kukwinkish kashinsh anch Yehova ukwij kamu?

Bibil ulejen anch Nzamb wading ukwij kurutu uvadika. Ni ukat kuteshang malembil mey. Wij nawamp yom utongina ni yidia mu muchim wey, ni yisal yey yikutwish kumusangaresh ap kumunenganesh. (1 Jsng. 28:9; Jnsw. 27:11) Wakupwitina kud ndiy.—w20.02 paj wa 12.

Yilakej ik yimekeshina chisu tufanyidina kulond ni chisu tufanyidina kuninet?

Tukat kulond nich musangar piur pa Yehova. Tukat kulond mulong wa kumubabesh muntu uyila mwi njil yiyimp. Amakurump akat kulond mulong wa kupan yiyul anch chitin kusal mwamu. Pakwez, tukatap kulond mulong wa kwipul (ap kulejan) mutapu ukata kusadik mudimu wetu mwi ngand yiukangeshinau. Tukatap kulejan nsangu ja ujindj.—w20.03 paj wa 20-21.

Ampasu isambidinau mu Jowel shapitre wa 2 ashalijadin mutapu ik ni isambidinau mu Kujingunik shapitre wa 9?

Jowel 2:20-29 ulejen anch Nzamb ukat kuyopat ampasu ni ukanin kuchirish yom yasheshau. Kupwa kwa yom yiney, Nzamb ukat kupan spiritu wend. Yom yiney yawanyina chisu chakwatau Yerusalem kud in Babilon ni yikwau yawanyina mu kusut kwa chisu. Kujingunik 9:1-11 wisambidin ampasu afanikeshina azizidilau many a mu chirung chetu mu chisend chau cha kulejan dirumburish dia Nzamb piur pa mangand minam mayimp, ni uruu winou ukat kuyisal nayimp antu akatina mangand minam.—w20.04 paj wa 3-6.

Nany udia mwant wa kwiyand nlel?

Risi ni jingand jimunungina chikas. Ayipompatin atushalapol a Nzamb, akangeshin mudimu wa kulejan ni ayikisin nakash Atuman a Yehova. Mwant wa kwiyand ukat kurish ni mwant wa kurul.—w20.05 paj wa 13.

Ov, mikadil chidivu yisambidinau mu mukand wa Galatia 5:22, 23 yawiy yikunku yawonsu ya ‘dibuj dia spiritu’?

Bwat. Spiritu utumbila ukat kutukwash kukudish mikadil yikwau yiwamp, mud kutentam. (Efes 5:8, 9)—w20.06 paj wa 17.

Wisu ubaj wa kufund, ap kutek yipich ni mavideo metu pa tupend twa Internet twa kutumijadin jinsangu?

Yom ukuteka yikutwish kumekesh anch ud mwin kwibaz, udiap mwin kwikepish.—w20.07 paj wa 6-7.

Yom ik yikutwishau in Kristu kwilejin ku chilakej cha ayibind a ansh akweta ukaliweny?

Ayibind akat kuta pa chisu ni pa ndond yimenau anch akutwish akwat ansh. Akat kwilej mutapu wa kusadin nawamp yom ya mudimu. Ni akat kusal mudimu nich kutakaman chikalap nchik yikokujol. Niyetu tukutwish kusal mwamu mu mudimu wetu wa kulejan.—w20.09 paj wa 4-5.

Yom ik tukutwisha kusal mulong wa kuyikwash in kwilej a Bibil kumukat nakash Yehova?

Tukutwish kuyikasikesh chakwel atangang Bibil dichuku diawonsu ni kutongijokin pa yom yitanginau. Tufanyidin kand kuyifundish kulembil.—w20.11 paj wa 4.

Mazu “awonsu akez kavumbuk kwikal kand aom mulong wa Kristu” mayitadin anany?—1 Kor. 15:22.

Kambuy Paul kadingap kafidina kulond anch antu awonsu akuvumbuk. Wading wisambidin piur pa in Kristu azizidilau many ‘atazukau kwikal antu adia zwang mu umwing ni Kristu Yesu.’ (1 Kor. 1:2; 15:18)—w20.12 paj wa 5-6.

Yom ik yikusalau azizidilau many kupwa kwa ‘kuyikarumun mudi kufet kwa dis, pakez kabulau mpuny ya disudiel’?—1 Kor. 15:51-53.

Akusal pamwing ni Kristu mulong wa kuyitakel antu nich mukombu wa utad ujal. (Kuj. 2:26, 27)—w20.12 paj wa 12-13.