Yom Yida Yiwamp ni Yiyimp: Chipul Twiyipwila Etu Awonsu

Yom ik ukusala anch usotin kuya kwi ndond wakad kwijik?

1. 1. Kuya mwi njil utongina anch mwawiy ufanyidina kuyil.

2. 2. Kuyilondul antu akwau ni kuchingej anch awiy ij njil.

3. 3. Kulondul umutakel uwamp, mud GPS, kart, ap murund wa kuchingejin wija njil.

Anch watond kusadin chitongijok cha kusambish ap cha kaad, ukushik kwi ndond kanang, pakwez ukushikap kamu kwi ndond usotina kuya. Pakwez anch watond kusadin chitongijok cha kasatu, nich kashinsh kawonsu, ukushik kamu kwi ndond usotina kuya.

Mwom wetu ud mud weny tuchingejina anch ukutushikij ku machuku ma kurutu ma musangar. Kushikaku kwimedin pa umutakel tulondwila chisu tukwatina mipak, yikal yikemp ap yijim.

Mipak yivud tukata kukwat yiding yikemp, pakwez yimwing yiding yijim. Yikat kumekesh yom twija anch yid yiwamp ap yiyimp. Mipak mud yiney yikutwish kwikal ni yibachikin pad etu ni pad akatish netu mu chisu chilemp. Mipak yiney yitadin yom mud:

• Masandj ni uruw

• Win kashinsh, mudimu, ni nfalang

• Mutapu wa kulil an

• Mutapu wa kuyisadin antu akwau

Mutapu ik ukutwisha kwikal ni kashinsh anch mipak ukwatina piur pa yom mud yiney yikukuletin ey ni dijuku dey musangar mu machuku ma kurutu?

Chipul chifanyidinay muntu ni muntu kwiyipul chid anch: Yom ik yikutwisha kwinkwash kukwat mipak yiwamp piur pa yom yida yiwamp ni yiyimp?

Gazet winou ukurumburil mulong wak tukutwisha kuchingejin mu yom yilondinay Bibil piur pa yom yida yiwamp ni yiyimp ni mutapu ukutwishay Bibil kukukwash.