Ov Ey Ufanyidin Kusal ik?
50 Ov ukimbin kushakam chikupu mu paradis muwamp wa?
Anch mwauy, uwapidin kwilej nakash piur pa yilondilay Nzamb.
Pim kwilej kutang Baibel.—Yohan 17:3, “NW”; Kuburik 1:3
51 Ilejap yom yivud nakash piur pa Yesu.—Kuvurik Yijil 18:18, 19, “NW”; Yohan 3:16; Midimu 3:19-23
52 Pim kusalang kamu yom yiwamp ni kumuziyilang Yehova.—Rome 6:17, 18, 22
53 Vurik! Yehova ulondil anch tufanyidinap kujip muntu ap umwing.—Kubudik 20:13, “NW”; 1 Yohan 3:11, 12
54 Tufanyidinap kwiy chom cha muntu mukwau.—Kubudik 20:15, “NW”; Efesus 4:28
55 Ikundj kafanyidinap kushakam ap kulal ni mband mukwau ching kusu mukajend.—Kubudik 20:14, 17, “NW”; 1 Tesalonika 4:3
56 Ov uvurikin amband inch Nzamb witiyijinay muntu kwikal nau? Machuku minch ikundj ufanyidin kushakam ni mukajend?—Disambishil 2:22, 24, “NW”; Mateu 19:5, 6; 1 Korint 7:2, 10, 11
57 Tuvurikany kand anch tufanyidin kumwifukwil ching Yehova amwinend.—Mateu 4:10; 1 Korint 8:6
58 Akish ni yinfan yikutwishap kutukwash [kutwamburish]. Mulong wak?—1 Korint 8:4
Ov chiwapin kwikal ni akish?—Kuvurik Yijil 27:15, “NW”; 1 Yohan 5:21
59 Mulong wak chiyipin nakash kwikal ni twimpash ni kusadin tumon ap jinkau?—Kuvurik Yijil 18:10-13, “NW”; Kuburik 21:8
60 Ayilembil ap angel ayimp amutombukina Nzamb. Akat kusadin in yipong mulong wa kuyidimbang antu.—Midimu 16:16
61 Tufanyidin kumulembil Nzamb. Kulembil chauy kulond anch kwambamb nend Nzamb, kumulej anch tusotil kumusadin ni kumwit ukwash wend.—Filipoi 4:6, 7
62 Tufanyidin kumuziyil Yesu ni kusadish ritiy mwi’ndiy.—Hebreu 5:9; Yohan 3:16, “NW”
63 Pikil wavuramen anch wafa mulong wa kutupandish.—Rome 5:8
64 Tong anch Yesu ud Mwant wetu wakad kumekan. Tufanyidin kumuziyil.—Filipoi 2:9-11; Kuburik 19:16
65 Yesu walonda anch ufanyidin kwijikish antu akwau yom yiwamp ukata kwilej amwiney ni anch awonsu akimbinang kumusadin Nzamb afanyidin ayibabatish.—Mateu 28:19, 20; Yohan 4:7-15
66 Komb ukutwish kwijikish yom yiney kud arund’ney.—Mateu 10:32
67 Anch wilej kutang nawamp, ukutwish kwijik yom yikwau yivud ni ukutwish kamu kukwashaku antu akwau nawamp.—2 Timoteu 2:15
68 Yesu wayileja anikanch amuziyil Nzamb. Wading ni chisu cha kulond nau.—Mateu 19:13-15
69 Anvaj afanyidin machuku mawonsu kuyilej aan’au kumuziyil ni kumukat Nzamb.—Kuvuriek 6:6, 7, “NW”; Jinswir 6:20-22;
Efesus 6:4
70 Kud marelijon mavud kushaljan. Malejan mau mavud kimadiokilap mu Baibel. Yehova utwedil anch tudiokal mu min marelijon makad kulejan uyakin.—Kuburik 18:4; Yohan 4:23, 24
71 Yehova ukwet panap pansh antu’end akutwisha kukulej yom yivud nakash kand piur pend. Ov uyij antu’end inay ad anany?—Midimu 15:14; Rome 10:14, 15
72 Awuy ad Atuman a Yehova. Ad ni chisambu pakach pau. Ov wij mulong wak? Mulong akatijadin amwing ni akwau.—Isaya 43:10-12, “NW”; Yohan 13:34, 35
73 Mulong awuy amukatin kand Yehova, ayibabatishin. Wawiy mutapu umekeshinau patok anch alikin kal yisalijok yau yiyimp ni anch asotil kumusadin Nzamb mu chisu cha mwom wau wawonsu.—Midimu 2:41
74 Atuman a Yehova achingejin kushakam mu paradis usutina kuwap ni musu.—Kuseng 37:9-11, 29
Ukutwish kusal ik mulong ey ni yey ukashakam nau mwin mwa?—Yakob 1:22, 25; 2:20-26
75 Kumangan pamwing nau mulong wa kwilej kumusadin Yehova. Amukatin Yehova ni Yesu Kristu ni akat kuyiziyil. Ey ni yey uyikatin Nzamb ni Yesu? Ukukat kukwash antu akwau amwijik Nzamb?—Yohan 6:45-47
76 Yehova ni Yesu Kristu akukatin ni akimbin anch weza ukashakam chikupu mu paradis.—Yohan 3:16
Yawonsu wilejanga mu kutal [kwa kushinshik] yipich ya broshir winou ni yirumburil yach yakwinkishang kal chakin rusot ra kusangarin kushakam panap pansh chikupu. Ov ukukat kwijik yivud kand piur pa rin richingej er? Anch mwamu, ambamb nend umwing wa Atuman a Yehova a kol kwey. Ukutwish kand kufund ap kumwel muntu mukwau akufundil mukand ku biro wau mu adres[se] udia ku paj [page] wa kaad.