Dilejan 1

Mutapu Ukutwisha Kuman Yitinay Nzamb

Rusang rik rijim ridiamu mu Baibel? (1)

Nnany udia sakatang wa Baibel? (2)

Mulong wak ufanyidina kwilej Baibel? (3)

1. Baibel udi chipan cha usey kudiokal kud Nzamb. Udi mud mukand wa tatuku mwin rukat kud aan end. Utulejin uyakin piur pa Nzamb​—⁠ndiy Udi nnany ni mbil jend yid jisu. Ukat kuturumburil mutapu wa kupwish matat ni mutapu wa kuman musangar wakin. Baibel ndiy kwend ukata kutulej yik tufanyidina kusal mulong wa kumusangaresh Nzamb.​—⁠Kuseng 1:​1-3; Isaya 48:​17, 18, NW.

2. Baibel amufunda kud antu ashaljadina piswimp 40 kusut chirung cha mivu 1 600, kusambishilang mu 1513 B.C.E. [kurutu kwa mivu yetu]. Ukwet mabuku makemp makemp 66. Awiy ina afunda Baibel adinga in kutakelau nich spiritu wa Nzamb. Afunda yitongijok yend, pikil iyau ayinau bwat. Komb Nzamb mwiur, kangal mwan’a muntu ap umwing pansh, udi Sakatang wa Baibel.​—⁠2 Timoteu 3:​16, 17; 2 Pita 1:​20, 21.

3. Nzamb watala anch Baibel amulondwish kufund kwa usalal ni amulama nawamp. Mabaibel amachapining mavud nakash kusut buku mukwau. Kadap awonsu akwikala ni musangar kukuman ukat kwilejang Baibel, kangal uyishil njil akukangesh. Ruchingej rey ra chikupu ridi piur pa kushiken kumwonganyin Nzamb ni kusal rusot rend ap anch kudaku rupompat ra mutapu ik.​—⁠Mateu 5:​10-12; Yohan 17:⁠3.