Dilejan dia 5
Ov Rusot ra Nzamb Ridi Risu Mulong wa Divu?
Mulong wak Yehova watanga divu? (1, 2)
Mulong wak divu didiap kand paradis katat? (3)
Chom ik chikweza kuyishiken antu ayimp? (4)
Kurutu oku, Yesu ukwez kusal ik mulong wa ayej? amapal? afu? (5, 6)
Chakwel ey ney utambulap yiyukish ya kurutu, ov uswiridin kusal ik? (7)
1. Yehova watanga divu dined chakwel anch aanantu asangerina kushakamang piur pad chikupu. Wasota anch pichukupichuku divu adishakata kud antu atentamina, in musangar. (Kuseng 115:16; Isaya 45:18, NW) Divu kidikez kasheshikap ap kapamp kamwing: dikez kashal chikupu.—Kuseng 104:5; Ecclesiastes 1:4, NW.
2. Kurutu Nzamb amusala ikundj, Ndiy watonda chikunku chikemp cha divu ni wachisala chikala paradis usutina kuwap. Wamutazuka anch chir cha Eden. Mwawiy mwinomu mwatekay ikundj wa kamu ni mband, Adam ni Ev. Nzamb wayitongina awiy ikala ni aan ni adinzwisha divu dia kabuj. Pakemp pakemp ela kudikarumun divu diawonsu dikala paradis.—Disambishil 1:28; 2:8, 15.
3. Adam ni Ev asala chitil kwa kumatikang mu kukat kwau chijidik cha Nzamb. Chawiy Yehova wayiteka pol pa rupang ra Eden. Paradis amushadisha. (Disambishil 3:1-6, 23) Pakwez Nzamb kavuramenap rutong rend mulong wa divu dined. Ukat kushilamu kudisal dikala paradis, mukeza kashakam aanantu chikupu. Ov ukez kusal mwamu nchika?—Kuseng 37:29.
4. Kurutu divu dined ditwisha kukarumuk paradis, antu ayimp afanyidin ayidioshamu. (Kuseng 37:38) Chinech chikez kashiken ku Armegedon, njit ya Nzamb ya kupwish tuyimp. Chakaad, Satan akez kamukas mu rukan ra mivu 1 000. Chawiy kulond anch pikil ayimp ina akez kushau ayipisha kand divu. Ching kusu antu’a Nzamb akez kasut aom.—Kuburik 16:14, 16; 20:1-3.
5. Chad Kristu Yesu ukez kayikel mud Mwant piur pa divu dined mu yin mivu 1 000. (Kuburik 20:6) Ukez kadiosh pakemp pakemp chitil mu manangu metu ni mijimbu. Tukez kikal aanantu awanyidina mud kamu Adam ni Ev mwandingau kurutu kwa kusal chitil. Chad lel kukezap kwikal kand mayej, upal, ni rufu. Antu ayedila akez kayok, ni antu amapal akez kachirik kand ansand.—Yob 33:25, NW; Isaya 33:24, NW; Kuburik 21:3, 4.
6. Mu chisu cha Winyikel wa Mivu Kanan wa Yesu, aanantu ashinshamena akez kusal mudimu wa kuchirish kand divu dia kabuj paradis. (Luka 23:43, NW) Chikwau kand, mamiliyon ma afu akez kasanguk kuchirikin mwom wa ukauntu pansh. (Midimu 24:15) Ang asal yitinay Nzamb kud awiy, akez kadandamen kushakam panap pansh chikupu. Ang bwat, akez kayishesh chikupu.—Yohan 5:28, 29; Kuburik 20:11:15.
7. Rutong ra kusambish ra Nzamb mulong wa divu rikusut nawamp. Ov ey ney ukatin kutambulap yiyukish yiney ya kurutu oku? Ang mwamu, uswiridin kudandamen kwilejang piur pa Yehova ni kuziyilang yitinay. Kwikalangaku ku yikumangen mu Chot cha Want cha Atuman’a Yehova cha pol pey kukukwash kusal mwamu.—Isaya 11:9, NW; Hebreu 10:24, 25.
[Caption on page 10]
Paradis washadishau
[Caption on page 11]
Kwinyim kwa Armagedon, divu akez kadikarumun paradis