Dilejan dia 15
Kukwashang Akwau Kusal Rusot ra Nzamb
Mulong ik uyileja akwey piur pa yom yiwamp yiwilejinanga? (1)
Ov nnany ukwanganap nend rusang ruwamp? (2)
Usu ik ngikadil wey ukutwisha kwikal nau piur pa antu ankwau? (2) Chisu ik ukutwisha kutwa rubil pamwing ni chikumangen cha ndond yey? (3)
1. Kushik panap, wilejang kal yom yiwamp yivud mu Baibel. Ronganyin riner rikutwish kukushikish ku kukudish kwey untu wa Ukristu. (Efesus 4:22-24) Ronganyin mud riner rifanyidin mulong weyey kuman mwom wa rawonsu. (Yohan 17:3) Pakwez, antu akwau kand aswiridin kwovu rusang ruwamp chad mwamu akutwish nau kupand. Akristu akin awonsu afanyidin kupan uman kud akwau. Ridi rubil ra Nzamb.—Rome 10:10; 1 Korint 9:16; 1 Timoteu 4:16.
2. Ukutwish kusambish kwangenang nau awiy adia piswimp ney yom yiwamp ukata kwilejang. Yilejana kud in dijuku diey, arund, ambay a shikol, ni in mudimu ney. Ikal mwin masip ni mwin kushimpish muchim chiukusala mwamu. (2 Timoteu 2:24, 25) Ni vurikap anch nakash antu akat kutal ngikadil wetu kusut chikat kuteshau yitulondila. Chawiy ngikadil wetu ukutwish kupwit akwau kutesh uruu utukata kombil rubil.—Mateu 5:16; 1 Pita 3:1, 2, 16.
3. Chikusutanga chisu, ukutwish kuwanyin kuya komb rubil pamwing ni chikumangen cha pol pey cha Atuman’a Yehova. Riner ridi rizau rijim (ra usey) mu kuya kurutu kwey. (Mateu 24:14) Ukwikal lel musangar mud ik ang ukwelang kuwanyin kukwash kanang ikala kashalapol wa Yehova ni atambula mwom wa rawonsu!—1 Tesalonika 2:19, 20.