Dilejan dia 16

Chiyul Chey cha Kumusadin Nzamb

Nzau jisu ufanyidina kusal mulong wa kwikal murund wa Nzamb? (1,2)

Mutapu ik ukusala kupan kwa mwom kud Nzamb? (1)

Chisu ik ufanyidina kutambul dibabatish? (2)

Ukutwish nchik kwikal ni usu wa kumushinshamen Nzamb? (3)

1. Chakwel wikala murund nend Nzamb, ufanyidin kutambul ronganyin ruwamp ra uyakin wa Baibel (1 Timoteu 2:​3, 4), kutek ritiy mu yom yiwilejina (Hebreu 11:​6), kukarumuk mulong wa yitil yey (Midimu 17:​30, 31), ni kukarumun mutapu wa kushakam kwey. (Midimu 3:19) Chad rukat rey mulong wa Nzamb rifanyidin kukubachik wipan amwiney kud Ndiy. Chirumburikin anch mu malembil mey amwiney, mu ujindj umuleja anch ukat kwipanang amwiney kudiay Ndiy kusal rusot rend.​—⁠Mateu 16:24; 22:37.

2. Kwinyim kwa kwipan kwey kud Nzamb, ufanyidin kutambul dibabatish. (Mateu 28:​19, 20) Dibabatish didi njil ya kwijikesh kud muntu ni muntu anch ey wapana kal mwom wey kud Yehova. Chawiy dibabatish didi ching kusu dia ina akudila nakash mutapu wa kukatul chiyul cha kumusadin Nzamb. Chisu chikatau kumubabatish muntu, mujimbu wend wa kabuj ufanyidin awandjika (auwuchika) mu mem chisu chikemp.a​—⁠Mako 1:​9, 10; Midimu 8:⁠36.

3. Kwinyim kwa kwel wipanang kal, Yehova uchingedil anch ey ushakama kulonduljan ni kushilamu kwey. (Kuseng 50:14; Ecclesiastes 5:​4, 5, NW) Djabul ukez kapim kukukangesh kumusadilang Yehova. (1 Pita 5:⁠8) Pakwez shej piswimp ni Nzamb mu malembil. (Filipoi 4:​6, 7) Ilejap Dizu diend pichukupichuku. (Kuseng 1:​1-3) Lamatin ku chikumangen. (Hebreu 13:17) Ni kusalang yom yiney yawonsu, ukwikal ni usu wa kumushinshamen Nzamb ni kumusadin chikupu. Mwaning, chikupu ni chikupu ey mwamu ukutwish kusal yom yikwitinay Nzamb!

[Footnotes]