BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • fg dilejan 1 ques. 1 ​-​ 3
  • Ov, Rusangu Ruwamp Chom Ik?

Kwikil video ukimbina

Video winou umukimbinap amboku nawamp.

  • Ov, Rusangu Ruwamp Chom Ik?
  • Rusangu Ruwamp Ridiokila kudi Nzamb!
  • Yom Yifanakena
  • Ov, Mulong Wak Kwilejin ku Dizu dia Nzamb?
    Chinong cha Kalam Chilejen Want wa Yehova—2011
  • Ov, Rusot ra Nzamb Ridi Risu Mulong wa Divu?
    Rusangu Ruwamp Ridiokila kudi Nzamb!
  • Yakul ku Yipul ya Bibil
    Chinong cha Kalam Chilejen Want wa Yehova—2015
  • Yom Ik Yikusalay Nzamb?
    Chinong cha Kalam Chilejen Want wa Yehova (Cha antu awonsu)—2019
Tal Yom Yivud
Rusangu Ruwamp Ridiokila kudi Nzamb!
fg dilejan 1 ques. 1 ​-​ 3

DILEJAN 1

Ov, Rusangu Ruwamp Chom Ik?

1. Ov, rusangu ruwamp ridiokila kudi Nzamb chom ik?

Antu Asangaredin mwom pa divu

Nzamb usotin antu asangera mwom pa divu. Ndiy watanga divu ni yom yawonsu yidiap mulong ndiy wayikata antu. Piswimp ap ndiy ukez kusal chakwel antu ikala nich mashakamin mapandakena kuwap mu machuku ma kurutu mu mangand mawonsu. Ndiy ukez kuyipandish antu ku mar.​—Tang Jeremiy 29:11.

Kwikil winyikel wa antu ap umwing ukupwisha chisum, mafef, mayej, ap rufu. Pakwez kudi rusangu ruwamp. Nzamb ukez kuswinkej winyikel wawonsu wa antu nich winyikel wend amwinend. Antu akez kwikal mu musangar ni chisambu ni ukash wa mujimbu uwamp.​—Tang Isay 25:8; 33:24; Daniel 2:44.

2. Mulong wak rusangu ruwamp ridi ra kuswapej?

Mar makez kupwa ching pa chisu chikezay Nzamb kushesh antu ayimp pa divu. (Sofoniy 2:3) Ov, chisu ik chikeza kushiken yom yiney? Dizu dia Nzamb diasambela kubwak mikadil yirishinau nich antu nlel unou. Yom yiyimp yisadikina nlel unou pa divu yimekeshin anch chisu cha Nzamb cha kushesh chidi piswimp.​—Tang 2 Timote 3:1-5.

3. Ov, chom ik tufanyidina kusal?

Tufanyidin kwilej piur pa Nzamb kusutil ku Dizu diend, Bibil. Udi mudi mukand udiokila kudiay tatuku mwin rukat. Utulejin mutapu wa kusanger njil yipandakena kuwap ya mashakamin ma katat ni mutapu wa kusanger mwom wa chikupu pa divu mu machuku ma kurutu. Chakin, pamwing ap antu amwing kakusangarap anch ey utambula ukwash wa kutesh Bibil. Pakwez, chisu chiwamp cha machuku mapandakena kuwap ma kurutu chidiap kand chisu cha kuburen.​—Tang Jinswir 29:25; Kujingunik 14:6, 7.

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan