Chikunku cha 8

Yehova wamuyukisha Salomon mu kumwinkish manang ni chisend cha kutung tempel, pakwez, ndiy wasambisha pakemp pakemp kumulik Yehova. Anch ud nvaj, muleja mwaney mutapu in kwifukwil a makasu mwamupumbulau Salomon kud Nzamb. Want waurika mu yikunku yaad, ant ayimp itiya difukwil da akish ni itiya kand in kupumbok mu muchid. Pa chirung chinicha, aprofet ashinshamena a Yehova ayimesha mar ni ayijipa. Mwant mband Jezabel wasala anch want wa kwinkaj wikala ni in kupumbok avud. Chading chirung chiyimp nakash mu rusang ra muchid wa Isarel. Pakwez, kwading atushalapol avud a Yehova ashala ashinshamena pakach pa in Isarel, pakach pa atushalapol inay pading Mwant Josafat ni muprofet Elija.