MUMINY WA 36
Tulamany Muchim Wetu
Dichap
(Jinswir 4:23)
1. Tulamany muchim wetu chakwel
Kangal twasal chitil.
Nzamb ukat kutal muchim wetu
Ni kuman chitudia.
Muchim ukat kwidimb nakash,
Ni kuya kamu kulemp.
El manangu matutakela
Ni tulam mbil ja Nzamb.
2. Turijekany muchim wetu ni
Kumulembil Nzamb wetu.
Tumushimen dichuku diawonsu,
Mulong wa uwamp wend.
Yitulejinay Yehova,
Etu tukuyiziyin.
Tudi ashinshamena kudi ndiy,
Chimusangareshin.
3. Tuchidijany muchim wetu ku
Yitongijok yiyimp.
El Dizu dia Nzamb ditukwasha,
Ni ditukasikesh.
Yehova ukatin antu end
Ashinshamena kamu.
Tukumwifukwil Yehova
Chikupu mudi arund nend.
(Tal kand Kus. 34:1; Fil. 4:8; 1 Pita 3:4)