MUMINY WA 90
Tukasikeshijanany Umwing ni Mukwau
Dichap
(Hebereu 10:24, 25)
1. Pitukasikeshijadina
Kumusadin Yehova Nzamb,
Rukat retu rikat kukul nakash;
Tumen chisambu ni uumwing.
Rukat rikwetau kamu antu a Nzamb
Ritukwashin kujijaman.
Chikumangen chikat kutuking,
Yidi ndond tukwiyova nawamp.
2. Kulond mazu mawamp pa chisu chiwamp
Kukat kukasikesh nakash!
Tuteshin mazu minam ma rongoj
Kudi arund ashinshamena.
Chiwapin kusal mudimu pamwing
Nau anamakwetu mu ritiy!
Tukatin kukasikeshijan
Ni kukwashijan etu awonsu.
3. Kusutil ritiy tumen kamu anch
Dichuku dia Yehova diezin,
Komb tufanyidin kukumangan
Mulong wa kwend mu uyakin.
Pamwing nau antu a Yehova Nzamb,
Tukumusadin ndiy chikupu.
Chawiy tukasikeshijanany
Ni tulamany kujijaman.
(Tal kand Luka 22:32; Mid. 14:21, 22; Gal. 6:2; 1 Tes. 5:14.)