MUMINY WA 105
“Nzamb Udi Rukat”
Dichap
(1 Yohan 4:7, 8)
1. Nzamb udi rukat, utulejin:
‘Endany nam, katany njil yam.’
Anch twamukat Nzamb ni mutej,
Tukusal ching yom yiwamp.
Winou wawiy ujindj wa mwom;
Wawiy mwom tukimbina.
Rukat mudi renday Kristu Yesu,
Rikezap kwau kupwa bwat.
2. Kumukat Nzamb kutukwashin;
Kusal yom yidia yiwamp.
Anch twaziy, ukat kutukwash;
Ku usu wend tukutumbuk.
Rukat rikwetingap mukau;
Ridi ruwamp ni rakin kand.
Tuyikatany akadivar
Ni pakad kasolikany.
3. Kangal walamany rukuny ni
Kangal rakuyikelany.
Muchingejina Yehova;
Ukukufundish mbil jend:
Kumukat Nzamb ni mutej netu,
Rawiy rukat rakin kamu.
El tuyikatany antu awonsu
Ni rukat ra win Kristu.
(Tal kand Mar. 12:30, 31; 1 Kor. 12:31–13:8; 1 Yoh. 3:23.)