MUMINY WA 139
Tongin Chisu Chikwikala Yom Yawonsu Yisu
(Kujingunik 21:1-5)
1. Tongin bil kamu ey niyamam;
Tongin mudi etu awonsu tudi mwi ngand yisu.
Tong kand mutapu ukwiyova,
Anch udi mu chisambu, pakad kwov wom.
Kukwikalap kand yom yiyimp;
Nzamb ukuyikel mangand mawonsu.
Katat ngand yisu yasej kal kamu piswimp ap,
Ni muchim wetu wawonsu
tukumuwangin anch:
(KWAKUL MWAS)
“Wajikit Nzamb wetu mulong udi muwamp.
Yawonsu yidi yisu mulong Mwaney udi Mwant.
Tusanger nakash mulong wa yom wasala;
Uwanyididin uyaj ni kukushiman.”
2. Tongin bil kamu ey niyamam;
Ni chingejin ngand yisu yezina ey.
Tukumanap ap kutesh chom
Chikutwisha kutwovish kand wom.
Yom yalonday yikuwanyin;
Katat mwinkand wend udi nau antu end.
Ukuyivumbul awonsu afila kal;
Etu awonsu pamwing niyau
tumushiman anch:
(KWAKUL MWAS)
“Wajikit Nzamb wetu mulong udi muwamp.
Yawonsu yidi yisu mulong Mwaney udi Mwant.
Tusanger nakash mulong wa yom wasala;
Uwanyididin uyaj ni kukushiman.”
(Tal kand Kus. 37:10, 11; Isay 65:17; Yoh. 5:28; 2 Pita 3:13.)