Yijikish kudi Atutum

YIKUMANGAN YA PAKAMPWIL

MUDIMU WA BETEL In kulejan abatishinau kal akweta mivu 35 ap mwinshin akatina kusal mudimu wa Betel afanyidin kwirijek mulong wa kukumangan ku chikumangan cha in kwit mudimu wa Betel chikusadika Diakatan chisu cha kupim. Akwijikish ndond ni chisu kurutu kwa muten.

SHIKOL YA IN KULEJAN A WANT Ayibol akweta mivu 23 djat ku mivu 65 akatina kutanduril mudimu wau wa kulejan ayitazukin kwez kukumangan ku chikumangan cha antu akatina kuya ku Shikol ya in Kulejan a Want chikusadika Diarubing chisu cha kupim. Akwijikish ndond ni chisu kurutu kwa muten.

YIJIKISH KUDI IN KUKUMANGAN

DIBATISH Antu akubatishau afanyidin kushakam kurutu pamwing, kurutu kwa diskur dia dibabatish kusambish diampos pamanch. Muntu ni muntu ufanyidin kusend eswime ni masun mafanyidina ma kumubatish nich.

IN KWAKAN In kwakan ayitekin mulong wa kukukwashany. Ovijanany nau nawamp amboku ni kulondul umutakel wau pa milong yitadina ndond ya kwimikin motak ni jinking, ya antu, kulam yitwamu ni yom yikwau.

KUTAN YOM YISHADIKINA Yom yawonsu yikumanau pansh afanyidin kuyitwal ku Kapalikany ka Kutan Yom Yishadikina. Anch washadish chom kanang, yang ku kapalikany kinak utala anch chom chey chidiaku. An ayila kulemp ni anvajau ni ashadikina afanyidin kuyitwal ku kapalikany kinak. Pakwez, chifanyidinap kukaman mudi kapalikany ka kulamin an. Yilamany amboku anen, ni shakamany nau pamwing.

MUDIMU WA KWIKATIN Anch ukatin kwipan mulong wa kukwash ku mudimu kanang udia mu ditenchik dia chitentam, yang amboku ku departema winou akuleja ndond yiswiridikedina ukwash.

NDOND YA KUSHAKAM Ufanyidin kuyitongin antu akwau. Vurik anch, ukutwish kukwatin ndond ya kushakam ching mulong wa antu a mu dijuku diey, antu wezang nau pamwing ap ushiching nau mu chikumbu chimwing ni wilejina nau Bibil. Kangal amboku kusha yom pa ndond ya kushakam yidia piswimp ney.

UKWASH WA UMWINGANG Ijikany amboku anch departema winou udi kwend wa UKWASH WA SWA-SWA.

YIPAN Asadidin nfalang jivud mulong wa kurijek ndond ya kushakam yiwanyidina, yisaj ya mazu, ma video ni midimu yikwau yivud yisadina anch kukumangan ku chitentam kwikala kwa musangar ni kutukwash chakwel tuseja piswimp ni Yehova. Yipan yen ya kwikatin yikwashining midimu yiney yitina nfalang ni yikwashin kand mudimu wa pa mangand mawonsu. Chakwel chikuswapela, atekin mishet ndond ya chitentam mulong wa yipan. Yipan yawonsu ayisangaredin nakash. Chisak Chitakedila chikujikitishinany nakash mulong wa muchim wen wa kupan ukwash ku yisakin ya Want.