Kushindakeshin pa Manans Majim

Hebereu 8:1

MU WISWIMP: Yikwasha in kukutesh kukulondul nawamp piusadina diskur, lejan mutapu ukwatijadina dinans ni dinans ni mutu wa mulong.

MUTAPU WA KUSADIN:

• Ikal ni chitongijok. Shinshikin anch diskur diey dikwet chitongijok cha kulejan rusangu, kupan kashinsh ap kuyibachik in kukutesh ni kupwa sal kukwatijan ni chitongijok chinech. Ikal ni kashinsh anch manans mawonsu majim makukukwash kuwanyish chitongijok chey.

• Kasikeshin pa mutu wa mulong wa diskur diey. Lond yom yikwatijadina ni mutu wa mulong chisu usadina diskur kusutin kuchirokin mazu mamwing ma mu mutu wa mulong ap kusadin mazu makwau mafanijadina.

• Ovikesh ni swapej manans majim. Tond ching manans majim makwatijadina ni mutu wa mulong ni maukutwisha kufundish mu chisu chakwinkangau. Kepish uvud wa manans majim, sambish mu mutapu uwamp dinans diawonsu dijim, pimaku kurutu kwa kusambish dinans dikwau, ni kupwa kwa dinans dimwing kurutu kwa kusut ku dikwau, yang pakemp pakemp.