DILEJAN DIA 15

Kulond Nich Kashinsh

1 Tesalonik 1:5

MU WISWIMP: Mekesh anch witiyijin kamu uyakin ni mekesh anch yom ulondina yidi yakin ni ya usey.

Irijeka nawamp. Tesh nawamp yisu yidia yitongijok yijim ni mutapu ulejenay Bibil anch yidi yakin. Sal usu wa kulond manans majim ma chikunku chey mu mazu maswapela kutesh. Shinshikin pa mutapu makutwisha kuyikwash in kukutesh. Lembil mulong wa kwit spiritu utumbila.

Chirikin chikunku chey nich dizu dia piur chakwel yitongijok yikal yovikena mu manangu mey ni mulong wa kurijek mutapu wa kuyilond.
Sadin mazu mamekeshina kashinsh. Pa ndond pa kuchirokin dizu ku dizu mu mutapu wadifundau, sadin mazu mey amwiney. Tond mutapu wa kulond umekeshina anch ukwet kashinsh ka yom yiulondina.
Lond nich kashinsh kin kawonsu. Lond ni chidjimin cha dizu chiwanyidina. Anch chiyipinap kusal mwamu kwol kwen, shinshikin mes mey padi in kukutesh.

Kangal kufanikesh kulond nich kashinsh ni kuburen nkeu, ap kushindakeshin nakash pa yom. Ap anch ulondin yom nich kashinsh, yileja in kukutesh mu mutapu wa rukat.