DILEJAN DIA 45

Chirumburikina Kulik Kwikal ku Mutambu Kanang

Dichap

Yesu wayifundisha in kwilejend anch ‘kafanyidinap kwikal ku mutambu wa mangand.’ (Yohan 15:19) Chinech chirumburikin kulik kwikal ku mutambu kanang mu yom ya politik ni ya njit ya mangand minam. Mu win yakin, chiswapelingap kulik kwikal ku mutambu kanang. Antu akutwish kutusip mulong tununginap chikas ku mutambu kanang. Mutapu ik tukutwisha kulik kwikal ku mutambu kanang ni kwikal ashinshamena kud Yehova Nzamb?

1. Mutapu ik umeningau in Kristu akin maguvernema ma antu?

In Kristu akat kulimish maguvernema. Tukat kusal mud mwalonday Yesu ni “[kupan] kudi Kaisar yom ya Kaisar”—kwawiy kulond anch tukat kuziyin ku yijil ya ngand, mud yijil yitwitina kufut yitad. (Marko 12:17, TMK) Bibil ufundishin anch maguvernema ma antu makat kuyikel mulong Yehova ndiy umalikina anch mayikela. (Rom 13:1) Chawiy twij anch ulabu wa maguvernema ma antu ukwet mimbu. Tuchingejin anch Nzamb wetu ndiy ukupwisha milong ya antu kusutin Want wend wa mwiur.

2. Mutapu ik tukutwisha kumekesh anch tudiap ku mutambu kanang?

Mud Yesu, tukatap kwiyandjik mu yom ya politik. Chisu chamanau antu yilay yasalay Yesu, akimba kumudish want, pakwez Yesu kitiyap. (Yohan 6:15) Mulong wak walika? Mulong mud mutapu mwalonday, “Want wam kiudiap wa mangand minam.” (Yohan 18:36) Mulong tud in kwilej a Yesu, tukatap kunung chikas ku mutambu kanang mu mitapu yivud. Chilakej, tukatap kurish njit. (Tang Mike 4:3.) Tukat kulimish yijingidij ya ngand—mud drapo—pakwez tukatap kuyifukwil. (1 Yohan 5:21) Ni tukatap kunung chikas ap kukis chisak chin chawonsu cha politik ap muntu kanang mwin mafef. Mu mitapu yiney ni yikwau, tumekeshin anch tud kamu ashinshamena nakash ku guvernema wa Nzamb—Want wend.

ILEJA CHIKURIKINA

Ileja yom yikutwisha kusal anch chikukasiken kulik kwikal ku mutambu kanang, ni tal mutapu ukutwisha kukwat mipak yikumusangaresha Yehova.

Ikundj umwing kadiap ku mutambu kanang. Katilap matu ku yom yilondinau antu kushalijan a politik kurutu kwa antu.

3. In Kristu akin kadingap ku mutambu kanang

Yesu nau in kwilejend atushila chilakej chiwamp. Tang Rom 13:1, 5-7 ni 1 Pita 2:13, 14. Kupwa, talany VIDEO ni isambinany yipul ey:

VIDEO: In Kristu Akin Kadingap ku Mutambu Kanang—Chikunku cha 1 (4:28)

Mulong wak tufanyidin kuyilimish antu ayikedina?
Mu mitapu ik tukumekesha anch tuyiziyidin?

Pa chisu cha njit, michid yimwing yikat kulond anch yidiap ku mutambu kanang, pakwez yikat kukwash mitambu yawonsu yirishina. Chom ik chirumburikina chakin kamu kulik kwikal ku mutambu kanang? Tang Yohan 17:16. Kupwa, talany VIDEO ni isambinany chipul ech:

VIDEO: In Kristu Akin Kadingap ku Mutambu Kanang—Chikunku cha 2 (3:11)

Chirumburikin ik kamu kulik kwikal ku mutambu kanang?

Yom ik ukusala anch anyikel a ngand akwit kusal yom yipwitamijadina ni chijil cha Nzamb? Tang Midimu 5:28, 29. Kupwa, talany VIDEO ni isambinany yipul ey:

VIDEO: In Kristu Akin Kadingap ku Mutambu Kanang—Chikunku cha 3 (1:18)

Anch kud kupwitamijan pakach pa chijil cha antu ni cha Nzamb, chijil cha nany tufanyidina kuziyin?
Ov, ukutwish kujimbulaku yom kanang yikutwishau in Kristu kulik kuyiziyin antakel a ngand?

4. Lik kwikal ku mutambu kanang mu manangu ni mu yisal

Tang 1 Yohan 5:21. Kupwa, talany VIDEO ni isambinany yipul ey:

VIDEO: Mulong Wak in Kristu Akin Afanyidin Kutakaman—Mulong wa Kulik Kwiyandjik mu Milong ya Mangand (2:49)

Mu video winou, mulong wak Ayenge wakwata mupak wa kulik kwiyandjik mu chisak cha politik ap mu yom ya wan a ngand mud kwifukwil drapo?
Ov, utongin anch wakwata mupak wa manangu?

Mu yom ik yikwau mukutwisha kutukasiken kulik kwikal ku mutambu kanang? Talany VIDEO, kupwa isambinany yipul yilondwilaku ey:

VIDEO: Malejan ma mu Chinong cha Kalam—Lik Kwikal ku Mutambu Kanang mu Mangand Minam Maurikina (5:16)

Mutapu ik tukutwisha kulik kwikal ku mutambu kanang chisu tutadina masengan ma yisak ya jingand kushalijan?
Mutapu ik tukwipuka kwikal ku mutambu kanang ap anch mipak yikwatinau antakel a ngand yikwet yibudikin yiyimp ap yiwamp pad etu?
Nsangu tuteshina ku yisaj ya kupalangeshin nsangu ap kud antu twijikijadina nau jikutwish kwikal ni usu ik pa mupak wetu wa kulik kwikal ku mutambu kanang?

Tuyipich: 1. Chisak cha antu ajimena akwet yitambal ku makas ni akat kumekesh anch kasangaredinap umutakel. 2. Ikundj umwing ukat kutoy ni wazambulang kal drapo ku masengan. 3. Nsand a shikol ukat kuwang muminy wa ngand. 4. Isalay walamang kal ut. 5. Antu aad a politik akat kutadikijan. 6. Mband umwing ukat kuvot. — Mu yom ik mufanyidinay mwin Kristu kulik kwikal ku mutambu kanang mu manangu ni mu yisal?

ANCH MUNTU WAKWIPUL ANCH: “Mulong wak ukwifukwilanganyap drapo ap kuwang muminy wa ngand?”

Mutapu ik ukwakula?

YOM TWILEJA KAL

In Kristu akat kusal usu wa kulik kwiyandjik mu politik mu manangu, mu mazu ap mu yisal yau.

Ov, uvurikin?

Yom ik tufanyidina kupan ku maguvernema ma antu?
Mulong wak tufanyidinap kwiyandjik mu politik?
Chisu ik chikutwisha kutukasiken kulik kwikal ku mutambu kanang?

Dilejan diapwa kal machuku ma ngond:

Cha kusal

Sambel kutongijokin pa yom yikutwisha kupak mupak wey wa kulik kwikal ku mutambu kanang, ni kupwa sambel kukwat mupak piur pa yom ukulonda ap yiukusala.

Yikwau:

Your other goal

JINGUNIN KAND

Yom ik yimwing tufanyidina kulikap mulong wa kulik kwikal ku mutambu kanang?

Yehova Katulikap (3:14)

Majuku makutwish mutapu ik kwirijek kurutu kwa chisu mulong wa kulik kwikal ku mutambu kanang anch ayipak?

Kangal Kwikal Ku Mutambu Kanang mu Yinship ya Mu Ruvudin (4:25)

Mulong wak kurishin ngand yetu chidiap kwau chom chikutwisha kumuletin muntu ntumb nakash?

“Yom Yawonsu Yiswapel kud Nzamb” (5:19)

Shinshikin mutapu wa kulik ‘kwikal ku mutambu wa mangand’ chisu utondina mudimu wa kusal.

“Chifanyidin Muntu ni Muntu Kusend Chisend Chend Amwinend” (Chinong cha Kalam cha 1 Ngond wa 4, 2006)