MUMINY WA 152
Ndond Yikukutumbisha
(1 Ant 8:27; 1 Jinsangu 29:14)
1. Yehova, Sakatang wa diur,
Kujimb kwey kusutin diur,
Divu nidiawiy dikukepidin.
Chad pa divu spiritu wey udiap.
In kuwapish ndond ya difukwil
Adi antu adia mu chitokish.
Tusanger kusal mudimu pamwing;
Usangaredin kwipan kwetu.
(CHILAL)
Kwikil chom tukweta
Cha kad kudiokal kudi ey.
Ku chikas chey, watwinka
Yawonsu tukwinkina.
(KWAKUL MWAS)
Wajikit, mulong wa yom yawonsu;
Tuwangin kamu muminy winou.
Mulong ruchingej retu ridi rakin
Ndond yiney yikukutumbish.
2. Yehova, wad wij anch tukimbin
Ndond yikukutumbisha ey
Ni kuyikwash in kwifukwil ey,
Ni antu indj kwendil mwi njil jey.
El ndond ey yiwanyish rusot rey.
Ku chidi kamu mudimu wa kusal,
Kwiswedish ni kudandamen kand
Mu mudimu wapanay Mwaney.
(CHILAL)
Tukwinkin ya usey,
Chisu chetu ni yom tukweta.
Ey yey uwanyidina—
Mwin kupan yom yawonsu.
(KWAKUL MWAS)
Wajikit, mulong wa yom yawonsu;
Tuwangin kamu muminy winou.
Mulong ruchingej retu ridi rakin
Ndond yiney yikukutumbish.