Win Kashinsh

Yom Yasalay Yesu

VIDEO: Yesu Umuyudin Nsand Mpich Wading Ntakel

1. Tal VIDEO, ap tang Marko 10:17-22. Kupwa shinshikin yipul ey:

1. Chimeken anch mikadil ik yiwamp yamanay Yesu mudiay nsand wading ntakel?

2. Mulong wak chading chimwitin Yesu kwikal ni rukat ni win kashinsh mulong wa kumuyul ikundj winou?

Chilakej cha Yesu Chitufundishin ik?

2. Tufanyidin kwisamb nau in kwilej mu mutapu wa rukat, pakwez tufanyidin kand kuyilej yom patok mulong wa kuyikwash kuya kurutu mu spiritu.

Mwimburija Yesu

3. Yikwasha in kwilej ey ashiken kwitekin mipak.

1. Sadin kamutu ka mulong kalodina anch “Cha kusal” kadia mu dilejan ni dilejan dia buku Sanger Mwom Chikupu!

2. Mukwasha mwin kwilej wey itekina mipak yifanyidinay kusal katat ni mu machuku ma kurutu.

3. Ikal ni chaku cha kumujikitish mwin kwilej wey piur pa mutapu uyilay kurutu.

4. Ufanyidin kwijik patok yom yimukangeshina mwin kwilej wey kuya kurutu.

1. Iyipula anch:

   • ‘Anch mwin kwilej wam kayilap kurutu ni kushiken ku dibatish, yom ik yimukangeshina?’

   • ‘Yom ik nikutwisha kusal mulong wa kumukwash?’

2. Lembil mulong wa kwit kutakaman chakwel umuleja yom patok ni rukat yom yifanyidinay mwin kwilej wey kusal.

5. Ufanyidin kwimik dilejan diakad kuya kurutu.

1. Ukutwish kujingunin anch dilejan diey dia Bibil diyil kurutu mu kuyipul anch:

   • ‘Mwin kwilej wam ukat kusadinang yom yilejinay?’

   • ‘Ukat kukumanganang ni kulejan uyakin kud antu akwau?’

   • ‘Kupwa kwa kwilej mu chisu kanang, ov, ukatin kwikal Kaman wa Yehova?’

2. Anch dilejan dia Bibil diyalap kurutu:

   • Mwipula chakwel akuleja yom yimukangeshina kuya kurutu.

   • Muleja nich nkeu mulong wak ukudandamenap kand kwilej nend.

   • Muleja yom yifanyidinay kuswimp anch ukukat kand kuchirikin dilejan dia Bibil mu machuku ma kurutu.