Mulong wak Ufanyidin Kusanger Bibil?

Bibil udi buku upalangeshinau nakash mu mangand. Mulong wak? Mulong chiswapel kumutan. Mu Bibil mudi jinsangu jakin ja antu adingaku ni urund wau wa piswimp umwing ni mukwau, ni urund wa piswimp nenday Nzamb. Jinsangu jinej jilejen malejan ma usey mu kusadil mazu maswapela ni makash matwishau kukarumun mu yitot ya jindim ni kumatesh kudi antu adia mu jindond jawonsu ap pa chisu chawonsu. Yany ya Bibil yidi ya usey chisu chawonsu.

Cha usey nakash, Bibil ulejen anch udiap mukand wisambidina kusu piur pa Nzamb pakwez udi mukand udiokila kudi Nzamb. Ulejen dijin dia Nzamb, untu wend, ni rutong rend rakad kukarumukang mu kuyitang antu ni divu. Bibil ulejen kand piur pa rusangu ra njit jalaba pakach pa uwamp ni uyimp: rusangu rimwing ramushena pa mangand mawonsu nich disudiel dia musangar. Kutang Bibil nich muchim umwing kukez kulet ritiy ni ruchingej.

Mu Bibil, tutanin jinsangu jakad kwikal ndond yikwau. Chilakej, Bibil utulejin uyakin piur pa mitu ya milong mudi yiney:

• Kwisu tudiokila ni mulong wak tumen mar

• Yatenchikany Nzamb mulong wa kuyipandish antu

• Chasalay Yesu mulong wetwetu

• Machuku ma kurutu ma divu ni ma antu

Ov, mulong wak ukutwishap kutang mu wiswimp ma paj malondwilaku ni kushinshikin pa yilejenay Bibil?