Yakul ku Yipul ya Bibil
Risu rutong ra kuchirik kwa Kristu?
Kurutu kwa Yesu kuya mwiur mu muvu wa 33 C.C., wakana anch ukuchirik. Wifanikesha amwinend ni mpich waya mu weny mulong wa machuku mavud ni wachirika nich usu wa kuyikel mudi mwant. Rutong ra kuchirik kwa Yesu ridi ra kuyiletin antu winyikel uwamp.—Tang Luka 19:11, 12.
Yesu ukez kuyiletin antu winyikel uwamp
Ov, Yesu ukuchirik mu mujimbu wa mutapu ik? Amuvumbula nich mujimbu wa muspiritu wakad kumekanang. (1 Pita 3:18) Kupwa, waya mwiur ni kushakam ku chikas cha katatuku cha Nzamb. (Kuseng 110:1) Kupwa, Yesu waseja kurutu kwa Yehova Nzamb, “ukwet mwom kudiokal pakur wakad disambishil,” wamwinkisha Yesu usu wa kuyikel padi antu. Chawiy lel, Yesu ukuchirik, kangal mudi muntu pakwez mudi mwant wakad kumekan.—Tang Daniel 7:13, 14.
Yom ik yikusalay Yesu pakushikay?
Pakushikay Yesu pakad kumekan ni angel end, ukez kayirumburish antu. Ukez kashesh antu ayimp pakwez ukupan mwom wa chikupu kudi antu amwitiyijina mudi Mwant.—Tang Mateu 25:31-33, 46.
Winyikel wa Yesu mudi Mwant ukez kakarumun mangand kwikal paradis. Ukez kavumbul afu chakwel atwisha kusanger mwom mu Paradis pa divu.—Tang Luka 23:42, 43.