Ov Kutakel Malejan ma Baibel Kukwet Rutong Ik?
1 Ov mulong wak tukata kutakel malejan ma Baibel ku yikumbu ya antu? Ov chiding kwau mulong wa kulejan ronganyin, kuwapish mwom wa antu, ap kuyimunyikin antu mulong wa machuku mau ma kurutu? Bwat kwau. Rutong retu ra kusambish ridi ra kwikadish in kwilej a Yesu Kristu! (Mat. 28:19; Midimu 14:21) Chawiy lel chifanyidinau antu tukata kwilej nau kwinung pamwing ni chikumangen. Kuya kwau kurutu kwa muspiritu kwimanyidin kamu pa kutesh kwau nakash dirijek dia Ukristu.
2 Mutapu wa Kuwanyish Rutong Riner: Kudiosh kamu kwinsambishil, dandamen kumukasikesh mwin kwilej kwez ni kukumangan ku yikumangan ya chikumangen. (Heb. 10:24, 25) Rumburil mutapu chikeza kukasikesh ritiy rend, mutapu chikumukwasha kusal rusot ra Nzamb, ni kumutwishish kwikal nich urund uwamp ni antu akwau asotina kand kumushiman Yehova. (Kus. 27:13; 32:8; 35:18) Kumekesh kwey kwa rukat ni usey umena nich chikumangen ni yikumangan kukez kuvuvurish rusot rend ra kukumangan.
3 Antu adia asu afanyidin kwijik anch dirijek dia Yehova didi dia ukadivar wa mangand mawonsu. Yileja maband video Les Témoins de Jéhovah: un nom, une organisation ni Toute la communauté de nos frères. Yikwasha kwijik anch Yehova ukat kusadilang mamiliyon ma antu ipanina mu mangand mawonsu chakwel kuwanyish rusot rend. El antu inay asu ijika anch ayitin ni yawiy kumusadil Nzamb.—Isa. 2:2, 3, NW.
4 Chidi cha musangar nakash kumuman mwin kwilej Baibel kwikal mwin kwilej wakin wa Yesu. Riner rawiy rutong retu!—3 Yohan 4.