Yitukutwisha Kulond Piur pa Magazet

LA TOUR DE GARDE wa Mwins. 15

“Tutikit twa antu akat kujimbulang mazu am mijikena nawamp mu malembil mau. [Tang Mateu 6:10.] Ov, utongin anch mwom welang kwikal nchik anch rusot ra Nzamb rading risadikin pansh muchifanyidina? [Mulika muntu akula.] Gazet ou ushinshikidin chikunku ni chikunku cha Malembil ma Nsalejetu, kuwejinaku ni chikunku twatang kal ech.”

Réveillez-vous! wa Mwins. 22

“Antu avud akat kwinan piur pa mulong ujim uyikwatina ansand​—⁠kuna kwakad kupep pa chopu. Ov, wauteshinap kal? [Mulika muntu akula. Kupwa tang Jinswir 20:⁠1.] Kuna kwakad kupep pa chopu kukat kuyishikij ansand ku ubaj uvud. Mutu wa mulong ou ukwet yiyul yikutwisha kuyikwash ansand kujijaman chibachikin cha kuna maar maswejina nakash.”

LA TOUR DE GARDE wa Mwink. 1

“Etu awonsu tuchingedin kuman nsudiel ya kujiril chijil, chisum, ni njit. Ov, utongin anch tukez kuman kuwanyin kwa mazu minam? [Tang Kuseng 37:11. Kupwa mulika muntu akula.] Gazet ou wisambidin mutapu kwambatena kushilamu kwinoku ku rutong ra kusambish ra Nzamb mulong wa akaantu ni mutapu tukutwisha kwisakin niyetu kushilamu kwinoku.”

Réveillez-vous! wa Mwink. 8

“Ov, chidiap cha ushon kuman muvu ni muvu tutikit twa an amband achidia anikanch akat kwimish pakad kwachik? [Mulika muntu akula.] Gazet ou wisambidin yiyul kanang yikutwishau kusadil chakwel kuwanyish yisend kushalijan ya kwikal maku pachidiau anikanch. Ushinshikidin kand mutapu ukutwishau anvaj kuyikwash anau kwipuk mulong winou.” Tang 2 Timote 3:⁠15.