Yitukutwisha Kulond Piur pa Magazet (Anch kwikil mu Uruund, sadilany amboku magazet ma Français)

CHINONG CHA KALAM cha Kal. 15

“Antu avud akat kwiyipul mulong wak milong yiyikwatina antu yimeken kwikal yiyimp nakash, pa ndond pa yiwamp. Washinshikap kal yilondila verse winou mud diyingishin ditwishikina? [Tang Kujingunik 12:⁠9. Kupwa mulika muntu akula.] Gazet winou wisambidin milad yisadidinay Djabul mulong wa kuyidimb antu ni mutapu tukutwisha kulik chibachikin chend.”

Réveillez-vous! wa Kal. 22

“Ap anch kubudikin yakudia yiwanyidina ya kudish muntu ni muntu pa divu, tutikit 800 twa antu tufembin nzal. Ov, chiyipinap nakash? [Mulika muntu akula.] Gazet winou ushinshikidin mulong uyila ni kujimb wa kudish misumb. Wisambidin kand kushilamu kwa Bibil kwa ngand yakad nzal.” Tang Kuseng 72:16a.

CHINONG CHA KALAM cha Kach. 1

“Chisu chiteshinau antu dizu ‘Armagedon,’ avud atongin disheshik dikash dia antu avud. [Lejan mushet pa paj wa 3.] Chikushimokishin kwijik anch Armagedon chakin chidi chimwing cha yom yiwamp chikutwisha kutushiken? [Mulika muntu akula.] Gazet winou urumburil mulong wak.” Tang 2 Pita 3:⁠13.

Réveillez-vous! wa Kach. 8

“Nading nichingejin kukulej chisu chikwez kwikalay nich muntu mwawonsu ndond ya kushakam yifanyidina. Ov, chidiap cha ushon anch antu avud mwamu aburedin yikumbu? [Mulika muntu akula. Kupwa tang Isay 65:​21, 22.] Gazet winou ushinshikidin yisadila anch antu aburena yikumbu. Urumburil kand mutapu ukuwanyishay Nzamb kushilamu twatanga kal oku.”