Yitukutwisha Kulond Piur pa Magazet (Anch kwikil mu Uruund, sadilany amboku magazet ma Français)

Chinong cha Kalam cha Ndol-M. 15

“Ov, utongin anch ukusanger kushakam mu mikadil ya mwom yirumburilau mu verse ou wafundau ku spiritu utumbila? [Tang 2 Pita 3:13. Kupwa mulika muntu akula.] Gazet winou urumburil mutapu ukeza kwikal maur masu ni mangand masu. Urumburil kand mutapu ukwikala mwom chisu chikuwanyishay Nzamb rutong rend mulong wa divu.”

Réveillez-vous! wa Ndol-M.

“Antu amwing itiyijin anch kutwish mu mangand ma nlel, yitin kwikal mwin kuzengolan. Chinyim ni chinech, tal chiyul chaletay Yesu. [Tang Mateu 5:​5, 9.] Ov, witiyijin chom chinech? [Mulika muntu akula.] Gazet winou ulejen mayingishin masatu ma ukwash wa kwikal mwin chisambu.” Lejan mutu wa mulong usambishidina pa paj wa 28.

Chinong cha Kalam cha Kalol 1

“Mu yaku yivud, kwading chisu chadiau kuyilimish amapal, mud mutapu uchilejenau mu chijil cha pasak. [Tang In Levi 19:32.] Ov, utongin anch kalimish kinak kadiaku kand ni nlel unou? [Mulika muntu akula.] Gazet winou ulejen mutapu ukatay Nzamb kuyilam amapal ni mutapu tukutwisha niyetu kusal chilik chimwing.”

Réveillez-vous! wa Kalol

“Yisal ya chisum yikwatishena wom yidiap yisu, pakwez nlel unou yipalangen pa mangand mawonsu, ni yikwatin piswimp mwom wa muntu ni muntu. Utongin anch mulong wak chidia mwamu? [Mulika muntu akula.] Réveillez-vous ! winou ulejen kusutil ku Bibil mutapu yikupwa yisal ya chisum ni mutapu ukuletay Nzamb chisambu chakin pa mangand. Tang Mika 4:⁠4.