Yitukutwisha Kulond Piur pa Magazet (Anch kwikil mu Uruund, sadilany amboku magazet ma Français)

Chinong cha Kalam cha Kalol 15

“Ov, utongin anch chitwishikin kwikal nich musangar yikalap nchik milong yiurishina nich? [Mulika muntu akula.] Gazet winou upwitidin manangu ku musul wa diking ukutwisha kutukwash kupandikan nawamp yikokujol ya mwom. Wisambidin kand usu wa ruchingej rakin.” Tang Kujingunik 21:​3, 4.

Réveillez-vous! wa Kalol

“Ov, witiyijin anch yak yishikedina katat yilejen usey wa kutesh yibabesh? [Mulika muntu akula.] Gazet winou wisambidin malejan milejau antu apanda ku Rinkind mukash ujimbwilau anch Katrina. Kupwa ulejen kand kubabesh kutufanyidina kutesh nlel unou.” Isambina mutu wa mulong usambishidina pa paj wa 14.

Chinong cha Kalam cha Kafunfut 1

“Mu mangand minam ma katat mizwila kanvundangesh, antu avud akat kwipul anch: ‘Ov, mulong wak mwom wikadil kal wa yakamish yivud mwamu? Anch Nzamb udingaku, ov, mulong wak kasadilap chom kanang cha kupwish nich mar minam?’ Ov, watongijokinap kal pa milong yiney? [Mulika muntu akula.] Gazet winou upanin yakul yiwamp ya Bibil ku yipul yiney.” Tang 2 Timote 3:⁠16.

Réveillez-vous! wa Kafunfut

“Nlel, mauruw mavud madi mu chak. Ov, utongin anch ambay a uruw akutwish kutaninamu mu kusadil yiyul yiney yapepidilau? [Tang Efes 4:32. Kupwa, mulika akula.] Réveillez-vous ! winou ushinshikidin yany ya Bibil yapepilau yikutwisha kutukwash kwikal nich musangar mu uruw.”