Yitukutwisha Kulond Piur pa Magazet (Anch kwikil mu Uruund, sadilany amboku magazet ma Français)

Chinong cha Kalam cha Mwinkind 15

“Antu amwing alondining anch mulong Nzamb udi mwiur, chikasiken kamu nakash kumwijik. Ov, niyey watongap kal mwamu ? [Mulika muntu akula. Kupwa tang Yohan 17:⁠3.] Gazet winou urumburil mutapu tukutwisha kumwijik Nzamb.”

Réveillez-vous! wa Mwinkind

“Avud pakach petu afishap kal mukatish nau. Ov, utongin anch kudiaku yom tukutwisha kusal mulong wa kuyikwash kupwa kwa rufu rau? [Mulika muntu akula.] Mutu wa mulong winou ulejen chakul cha Bibil ku chipul chinech. Wisambidin kand kushilamu kwinoku kukasikeshina.” Tang Yohan 5:​28, 29. Kupwa muleja mutu wa mulong usambishidina pa paj wa 10.

Chinong cha Kalam cha Kalang 1

“Ilel unou kudi yitongijok yivud yishalijadina piur pa mutapu wa kulil an. Ov, utongin anch chitwishikin anch anvaj atambula yiyul yiwamp? [Mulika muntu akula. Kupwa tang Kuseng 32:⁠8.] Gazet winou ulejen yiyul ya ukwash yidiokila mu Bibil piur pa mutapu wa kulil an.”

Réveillez-vous! wa Kalang

“Ov, wiyipulap kal chakwel kwijik mulong wak kudia mar mavud mwamu anch kudi Nzamb umwing wa rukat, utentamina ni ukweta dikand? [Mulika muntu akula.] Tal verse winou ulejen kwisu kudiokila mar. [Tang 1 Yohan 5:19.] Gazet winou urumburil kusutil ku Bibil yisadinay Nzamb mulong wa kupwish mar.”