Bibil—Buku wa Uyakin ni wa Uprofet

Chikunku cha kusambish cha DVD Bibil—Buku wa Uyakin ni Uprofet chilondil anch: Buku Mukur Pakwez Ukweta Jinsangu ja Katat. Kupwa kwa kutal video winou, akulany ku yipul yilondwilaku ey:

(1) Bibil ukwatijadin nich siyans wa katat mu mutapu ik? (2) Ov, mutapu ik tukutwisha kwikal nich kashinsh anch jinsangu jidia mu Bibil wa katat jawiy jimwing jafundau kwisambishil? (3) Misu mamaniskri ma Bibil majim nakash madiaku? (4) Ov, yom ik yasalay John Wycliffe, Johannes Gutenberg, William Tyndale, John Hus, Martin Luther, Casiodoro de Reina, nenday Charles Taze Russell mulong wa kupalangesh Dizu dia Nzamb mu mangand mawonsu, ni mutapu ik wasalay egliz nich nkabu mulong wa kurishish Bibil? (5) Yiyul yiwamp ya Bibil, yiyikwashin nchik antu kura nich milong ya ukash wa mujimbu (Kus. 34:8), kubambel mulong wa nfalang (1 Tim. 6:9, 10), kwauril ni kuburen kushinshaman mu uruw (1 Kor. 13:4, 5; Efes 5:28-33), ni kwiyakamish piur pa mapit ma ku mujimbu (Mat. 16:26)? (6) Uman ik udiaku ulejena anch kusadil yijil ya Mifund kukutwish kwikal nich usu ukash pa rikis ra muchid, kabil ni ra ulombu wa chikit (Luka 10:27)? (7) Kulamat ku yijil ya Bibil kwakuletidin mutapu ik musangar ujim nakash? (8) Mutapu ik ukutwisha kusadil video winou mulong wa kuyikwash antu akwau?—Tal Mudimu Wetu wa Want wa Kasan 2006, pa paj wa 8.